यस वर्ष पनि गोसाईंकुण्डमा गङ्गा दशहरा मेला नहुने

 जेठ २८, २०७८ शुक्रबार १०:३४:१८ | उज्यालो सहकर्मी
unn.prixa.net

रसुवा – गङ्गा दशहरामा लाग्दै आएको गोसाईंकुण्ड मेला यो वर्ष पनि नलाग्ने भएको छ । कोभिड–१९ को जोखिम कायमै रहेकाले यो वर्ष पनि मेला नलागेको हो । गएकाे वर्ष पनि काेराेना कहरका कारण मेला सञ्चालन भएकाे थिएन ।   

कोरोना भाइरसको जोखिम रहेको, सरकारले मेला सञ्चालन नगर्न आग्रह गरेको, सार्वजनिक यातायात सञ्चालन नभएको, पदमार्गमा सञ्चालनमा रहेका होटल पूर्ण रूपमा सञ्चालन नभएको कारणले मेला सञ्चालन नहुने भएको हो । 

केही वर्षअघिसम्म मेलाको अवसरमा मात्र तीर्थयात्री आउने गरेकोमा पछिल्लो समय हिउँ पर्ने समयमा बाहेक अन्य समयमा तीर्थयात्री गोसाइँकुण्ड जाने गरेका थिए ।  

रसुवाकाे पर्यटकीय तथा पवित्र धार्मिक तीर्थस्थल गोसाईंकुण्डमा जनैपूर्णिमा र गङ्गा दशहरा गरी वर्षको दुई पटक तीर्थयात्रीहरूले मेला भर्ने गरेका छन् । गोसाइँकुण्ड गाउँपालिका ५ मा पर्ने गोसाईंकुण्डमा मेला भर्नका लागि बर्सेनि हजारौँ तीर्थयात्री जाने गरेका छन् ।   

अन्तिम अपडेट: जेठ २९, २०७८

तपाईको प्रतिक्रिया