दाङ : प्रहरीलाई दिन लैजाँदै गरिएकाे गाडीले ठक्कर दिँदा माेटरसाइकल चालककाे ज्यान गयाे

 जेठ २८, २०७८ शुक्रबार १२:४४:२७ | हेमराज शर्मा
unn.prixa.net

दाङ – लुम्बिनी प्रदेश सरकारले बाँके प्रहरीलाई प्रदान गर्न त्यसतर्फ लैजाँदै गरिएकाे गाडीले ठक्कर दिँदा मोटरसाइकल चालकको ज्यान गएको छ ।

दाङ देउखुरीको राप्ती गाउँपालिका २ लालमटियामा पूर्वदेखि पश्चिम जाँदै गरेको लु अ च ५३३४ नम्बरको गाडीले रा १ प ८४२२ नम्बरको मोटरसाइकललाई बिहीवार (हिजाे) राति ठक्कर दिएकाे थियाे । दुर्घटनामा मोटरसाइकल चालक राप्ती गाउँपालिका ३ मौरीघाटका रञ्जित चौधरीको ज्यान गएको प्रहरीले जनाएको छ  ।

प्रदेश सरकाले कम्पनीबाट गाडी निकालेर बाँके प्रहरीलाई दिनका लागि त्यसतर्फ लैजाँदै गरेकाे तर हस्तान्तरण भने भइ नसकेको दाङ प्रहरीले जनाएको छ ।

ती गाडीका चालक पनि कम्पनीकै मान्छे थिए । गाडीकाे नम्बर प्लेट अस्थायी हो । मोटरसाइकललाई ठक्कर दिने गाडीसहित चालकलाई पक्राउ गरिएकाे प्रहरीले जनाएको छ ।  

अन्तिम अपडेट: जेठ ३०, २०७८

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।  

तपाईको प्रतिक्रिया