धनुषामा एउटै पोखरीमा डुबेर पाँच बालिकाको ज्यान गयो

 जेठ २८, २०७८ शुक्रबार १४:४५:१३ | उज्यालो सहकर्मी
unn.prixa.net

प्रतिकात्मक तस्बिर

धनुषा – धनुषाको मुखियापट्टी मुसहरनिया गाउँपालिका-६ मा एउटै पोखरीमा डुबेर पाँच बालिकाको ज्यान गएको छ ।

दिउँसो साढे १२ बजे पौडी खेल्न गएका १० देखि १३ वर्ष उमेर समूहका उनीहरुको डुबेर ज्यान गएको जिल्ला प्रहरी कार्यालय धनुषाका एसपी प्रकाश रानाभाटले उज्यालोलाई जानकारी दिनुभयो ।

उहाँका अनुसार पल्टु यादवका १२ वर्षकी छोरी लक्ष्मीनिया, जोगिन्द्र भगतका १० वर्षकी छोरी चन्द्रकुमारी, राजगिर पूर्वेका १३ वर्षकी छोरी मञ्जु, जगरनाथ ठाकुरका १२ वर्षकी छोरी चान्दनी र उतिम साह तेलीका १२ वर्षकी छोरी ललितको ज्यान गएको हो ।

घटनाबारे थप अनुसन्धान भइरहेको र अहिले अरु बालबालिकाहरु पनि डुबेका छन् कि भनेर खोजी भइरहेको एसपी रानाभाटले बताउनुभयो ।

अन्तिम अपडेट: जेठ ३०, २०७८

तपाईको प्रतिक्रिया