आगलागीबाट ध्वस्त भएकाे ताप्लेजुङकाे दाेभान बजारमा पुनर्निर्माणसँगै चहलपहल बढ्न थाल्याे

असार ६, २०७८ आइतबार २०:१०:१३ | केशवप्रसाद भट्टराई

ताप्लेजुङ – आगलागीबाट ध्वस्त भएको ताप्लेजुङको दोभान बजारमा पुनर्निर्माणसँगै चहलपहल बढ्न थालेको छ । गएको फागुन १८ गते भएको आगलागीमा ५० घर जलेर नष्ट भएको बजार क्षेत्रमा घरको पुनर्निर्माण तथा पसल व्यवसाय सुरु हुन थालेसँगै चहलपहल पनि बढ्न थालेको हो । अहिले दुई दर्जन घरको पुनर्निर्माण भइसकेका छन् । अरु घर बन्ने क्रममा छन् ।

आगलागीमा क्षति बेहोर्नु भएका जयप्रसाद भट्टराईले अहिले घर बनाइसक्नु भएको छ । उहाँले पसल पनि सञ्चालनमा ल्याउनु भएको छ । यस्तै दोभान बजारका व्यापारी गुरु पौडेलले पनि व्यापार सुरु गर्नुभएको छ ।

आगलागी भएको दोभान बजारमा नयाँ संरचना निर्माण गर्नका लागि मेरिङदेन गाउँपालिकाले पुनर्निर्माण मापदण्ड बनाए संरचना निर्माण गर्न अनुमति दिएको छ । नयाँ संरचना निर्माणमा पिलर सहित इँटा तथा ढुङ्गा प्रयोग गरेर अनिवार्य पक्की घर निर्माण गर्नुपर्ने गाउँपालिकाले मापदण्ड बनाएको छ ।

मेरिङदेन गाउँपालिका वडा नम्बर ३ मा पर्ने दोभान बजार पुरानो व्यापारिक केन्द्र र ऐतिहासिक स्थल पनि हो । दोभान बजार आठराई त्रिवेणी, मैवाखोला, मेरिङ्देन र मिक्वाखोला गरी चार वटा पालिकाको व्यापारिक केन्द्र पनि हो । ग्रामीण क्षेत्रमा उत्पादन हुने अलैँची, अम्रिसो, अदुवा लगायत निकासी हुने सबै वस्तु दोभान बजारमै केन्द्रित गरेर बाहिर निर्यात गर्ने गरिन्छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्