अर्घाखाँचीकाे छत्रदेव गाउँपालिकाले 'लिफ्टिङ' खानेपानीकाे ३३ प्रतिशत महसुल तिरिदिने

असार ७, २०७८ सोमबार १३:५१:५० | प्रेमनारायण आचार्य

अर्घाखाँची – अर्घाखाँचीको छत्रदेव गाउँपालिकाले कृषि र खानेपानीलाई पहिलो प्राथमिकतामा राखेर आउँदाे वर्षका लागि नीति तथा कार्यक्रम प्रस्तुत गरेको छ । नीति तथा कार्यक्रममा लिफ्टिङ खानेपानीकाे ३३ प्रतिशत विद्युत् महसुल गाउँपालिकाले तिरिदिने भएको छ ।

खानेपानीको समस्या रहेका पालिकामा खानेपानी आपूर्तिमा सञ्चालन हुने लिफ्टिङ खानेपानी आयोजना महँगो पर्ने भएपछि ३३ प्रतिशत विद्युत् महसुल पालिकाले तिर्ने गाउँपालिकाका अध्यक्ष लेखनाथ पोख्रेलले बताउनुभयो । गाउँपालिकाले 'एक घर एक धारा' अभियानलाई निरन्तरता दिँदै खानेपानीलाई प्राथमिकतामा राखेकाे हाे ।

यस्तै किसानलाई कृषि औजारमा पालिकाले अनुदान दिने भएको छ । 'कृषकको सम्मान, कृषि उत्पादनमा अनुदान' भन्ने मान्यताका साथ गाउँपालिकाले उत्पादनमा आधारित अनुदान दिने भएको छ । ‘खनौँ आफ्नै माटो, छोडौँ विदेशकाे माटो’ भन्ने नाराका साथ कृषिमा स्वरोजगार सिर्जना हुने कार्यक्रम पालिकाले ल्याएको छ ।

बाँदर, बँदेललाई नियन्त्रण गर्ने उद्देश्यले जङ्गलमा फलफूल खेती गर्ने र सामुदायिक वनमा बहुमूल्य जडीबुटी लगाउने नीति तथा कार्यक्रममा उल्लेख गरिएको अध्यक्ष पोख्रेलको भनाइ छ ।

यस्तै गाउँपालिकाले स्थानीयस्तरमा आय आर्जनको भर पर्दो स्रोत भएमा मात्र बसाइँसराइ कम हुन्छ भन्ने अनुभवबाट श्रमजीविहरूको सुरक्षा, रोजगारी सिर्जना, उद्यमशीलता विकास र आय आर्जनमा जोड दिने भएको छ ।

स्वास्थ्य स्वयंसेविकाकाे निःशुल्क स्वास्थ्य बीमा गरिने, 'बालबालिकालाई विद्यालय पठाऊ, सिकाऊ र टिकाऊ' अभियान चलाउने गाउँपालिकाले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्