नेपालमै पहिलो पटक प्राकृतिक चिकित्सा तथा योग विज्ञानको पाठ्यक्रम तयार

 असार ९, २०७८ बुधबार ९:२५:३२ | हेमराज शर्मा
unn.prixa.net

दाङ – नेपाल संस्कृत विश्वविद्यालयले नेपालमै पहिलो पटक प्राकृतिक चिकित्सा तथा योग विज्ञानको पाठ्यक्रम तयार पारेको छ । स्नातक तहको प्राकृतिक चिकित्सा तथा योग विज्ञानको पाठ्यक्रम तयार पारी विषयगत समितिमा पठाइएको विश्वविद्यालयले जनाएको छ ।

विषयगत समितिबाट स्वीकृत गरि पाठ्यक्रम चिकित्सा सेवा आयोगमा पठाइने र आयोगले स्वीकृति दिए लगत्तै पठनपाठन शुरु गरिने विश्वविद्यालयका उपकुलपति प्राध्यापक डाक्टर यादवप्रकाश लामिछानेले जानकारी दिनुभयो । उपकुलपति लामिछानेका अनुसार आयुर्वेद स्नातक तहसमेत अध्ययन गराइरहेको विश्वविद्यालयका लागि प्राकृतिक चिकित्सा तथा योग विज्ञान अध्यापनका लागि जनशक्ति व्यवस्थापनमा समस्या हुने छैन ।

विश्वविद्यालयले पाठ्यक्रम अध्यापनका लागि भौतिक पूर्वाधार निर्माणको काम अघि बढाएको छ । विश्वविद्यालयका कुलसचिव सहप्राध्यापक माधव अधिकारीका अनुसार दश करोडको लागतमा बेलझुण्डीमा भवन निर्माण गरिने छ । आयुर्वेद अध्ययन संस्थान अन्तर्गत नै कक्षा सञ्चालन गरिनेछ । विश्वविद्यालयले वैदिक कृषि र वास्तु इन्जिनियरिङको पाठ्यक्रम तयार पार्न थालेको छ ।

विश्वविद्यालयका तत्कालीन उपकुलपति शिवहरी मरहठ्ठा को कार्यकालमा तयार पारिएको वैदिक कृषि पाठ्यक्रमलाई विस्तृत रुप दिई तयार पार्न थालिएको हो । विश्वविद्यालयका कुलसचिव सहप्राध्यापक माधव अधिकारीका अनुसार वैदिक कृषि पाठ्यक्रम तयार पारी आगामी वर्षदेखि नै कार्यान्वयनमा ल्याइने भएको छ । पठनपाठनका लागि तत्काल बिजौरीमा रहेको भौतिक पूर्वाधार प्रयोग गर्ने र बेलझुण्डीमा भौतिक पूर्वाधार निर्माणको कामलाई अघि बढाइने अधिकारीले जानकारी दिनुभयो ।

त्यसैगरी वास्तु इन्जिनियरिङको पाठ्यक्रम नास्टका पूर्व उपकुलपति जीवराज पोखरेलको संयोजकत्वमा तयार पार्न थालिएको छ । वैदिक कृषि र वास्तु इन्जिनियरिङको पाठ्यक्रम तयार पारी आउँदो विश्वविद्यालयको प्राज्ञिक परिषद्बाट स्वीकृत गरी कार्यान्वयनमा ल्याइनेछ ।

त्यसैगरी संस्कृततर्फ शास्त्री तहको चार वर्षे पाठ्यक्रम तयार पार्न शुरु गरिएको छ । शास्त्री प्रथम तहको कार्यान्वयनमा आएको छ भने अन्य तहको पाठ्यक्रम तयार भइरहेको कुलसचिव अधिकारीले जानकारी दिनुभयो । विश्वविद्यालयले निषेधाज्ञाका कारण प्राध्यापकहरु बीच भर्चुअल विधिबाटै छलफल गरि पाठ्यक्रम तयार पारिरहेको छ ।

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।  

1 Comments

  • इन्दिरा प्रसाई

    June 23, 2021, 10:06 a.m.

    अत्यन्त सह्राहनीय कार्य सम्पादन गरिन लागेको समाचारले धेरै खुसी लागेको छ । संस्कृत विश्वविद्यालयलाई धन्यवाद र चाँढै कार्यान्वयनका लागि मङ्गलमय शुभकामना ।

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई