ओछ्यानबाटै हराएकी ११ दिनकी शिशुको खाल्डोमा पुरिएको अवस्थामा शव फेला

भदौ १२, २०७५ मंगलबार १२:२७:५६ | किरण लोहनी

गोरखा – गएको भदौ ८ गते राति घरबाटै रहस्यमय रुपमा हराएकी ११ दिनकी मृत भेटिएकी छिन् । गोरखाको सिरानचोक गाउँपालीका २ थालाजुङ खमारीकी ती बालिका रहस्यमय रुपमा हराएकी थिइन् । न्वारान गरेकै रात स्थानीय सबल भण्डारी र रथी गुरुङ भण्डारीकी ११ दिनकी छोरी टीका ओछ्यानबाटै हराएकी थिइन् ।

घटनाको अनुसन्धान गरिरहेको प्रहरी टोलीले घरबाट ३ सय मिटर माथि बारीमा बोराभित्र राखेर खाल्डोमा पुरिएको अवस्थामा शव फेला पारेको हो । मंगलबार बिहान ९ बजे शव फेला परेको जिल्ला प्रहरी कार्यालयले जनाएको छ । आमा रथीले नै छोरीलाई मारेको खुल्न आएको प्रहरी स्रोतले जनाएको छ । उनलाई प्रहरीले नियन्त्रणमा लिएको छ ।

भदौ ८ गते राति १ बजे आमा शौच गर्न गएका बेला बालिका हराएको जानकारी आए लगत्तै प्रहरीले खाजी कार्य शुरु गरेको थियो । रथी छोरीलाई लिएर राति सासूसँगै एउटै कोठामा सुतेकी थिइन् । राति १ बजेतिर बच्चा रोएपछि स्तनपान गराई सासूलाई जिम्मा लगाएर शौच गर्न गएका बेला बच्चा हराएको उनको दावी थियो । केही मिनेटकै बीचमा रहस्यमय रुपमा बच्चा हराएपछि प्रहरीले बच्चाको बुवा आमा सहित परिवारका सदस्यसँग सोधपुछ गरेको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्