काठमाण्डाै – काठमाण्डाै मेडिकल कलेज (केएमसी) का कर्मचारी मदनलाल श्रेष्ठलाई सरुवा गरिएको विरोधमा कलेजका कर्मचारी आन्दोलित भएका छन् । कर्मचारीले श्रेष्ठलाई कलेजभित्र छिर्न दिनुपर्ने माग गर्दै सोमवार बिहान मेडिकल कलेज अगाडि प्रदर्शन गरेका छन् । 

काठमाण्डाै मेडिकल कलेज पब्लिक लिमिटेडको स्वामित्व नभएको संस्थामा श्रेष्ठलाई सरुवा गरिएपछि कर्मचारी त्यसको विराेधमा आन्दोलित भएका हुन् । अस्पताल प्रशासनले श्रेष्ठलाई कलेज प्रवेशमा रोक लगाएको उनीहरूले दाबी गरेका छन् । 

उनीहरूले कर्मचारी विनियमावली २०७६ मा भएको सेवा–सुविधा व्यवस्थापन परिवर्तन भएपछि सबै सेवा, सुविधा काटिएको र त्यसलाई स्थापित गर्न श्रेष्ठले पहल गरेका कारण उहाँलाई अस्पताल सञ्चालकले स्वामित्व नै नभएको ठाउँमा सरुवा गरेको दाबी गरेका छन् ।

अस्पताल सञ्चालकले श्रेष्ठलाई अस्पतालको स्वामित्व नभएको अस्पतालमा सरुवा गरेको कर्मचारीले आरोप लगाउँदै आएका छन् ।