बालिका सोनालीको हत्यारालाई पक्राउको माग गर्दै प्रदर्शन, प्रहरी भन्छ : हत्याराको पहिचान भैसक्यो

भदौ १३, २०७५ बुधबार १९:५९:४९ | धनवीर महतो

महोत्तरी – महोत्तरीको औरहीमा स्थानीय महिलाहरुले अवोध बालिका सोनाली चौधरीको हत्यारालाई पक्राउ गरी कारबाहीको माग गर्दै बुधबार दिउँसो प्रहरी प्रशासनविरुद्ध नारावाजी गर्दै प्रर्दशन गरेका छन् । हातहातमा प्लेकार्ड बोकेका महिलाहरुको एक समूहले नगर परिक्रमा गर्दै हत्यारा र अपहरणकारीलाई चाँडै नै पक्राउ गरी कारबाहीको माग गरेका हुन् ।

सीसीटीभीको फुटेजको आधारमा बालिका अपहरण गर्ने व्यक्तिको पहिचान भैसक्दा समेत प्रहरीले पक्राउ नगरेको भन्दै महिलाहरु स्थानीय प्रहरी, प्रशासनको विरोधमा आन्दोलित बनेको स्थानीय सञ्चारकर्मी धर्वेन्द्रकुमार यादवले बताउनुभयो ।

घटनामा संलग्न व्यक्तिको पहिचान भैसक्यो : प्रहरी

जिल्ला प्रहरी कार्यालय महोत्तरीले बालिका अपहरण गर्ने व्यक्तिको पहिचान भैसकेको जनाएको छ । पसलमा रहेको सीसीटीभीकोे अधारमा बालिका अपहरण गर्ने कार्यमा महोत्तरी भंगहा नगरपालिका ६ जमुनियाँका २५ वर्षीय भरत साह रहेको प्रहरी उपरीक्षक इश्वर कार्कीले जानकारी दिनुभयो ।

घटनामा संलग्न साहको खोजी कार्यमा जिल्ला प्रहरी कार्यालय महोत्तरीका प्रहरी नायव उपरीक्षक खगेन्द्रबहादुर खडका, इलाका प्रहरी कार्यालय बर्दिवासका प्रहरी नायव उपरीक्षक नकुल पोखरेल र इलाका प्रहरी कार्यालय गौशालाका प्रहरी निरीक्षक भोला भट्टको नेतृत्वमा अलग–अलग टिम बनाई प्रहरी परिचालन गरिसकेको प्रहरी उपरीक्षक कार्कीले जानकारी दिनुभयो ।

स्थानीयले गरे बजार र सडक बन्द

बालिका सोनालीको हत्यारालाई पक्राउ गरी कारबाहीको माग गर्दै स्थानीय नागरिकहरुले बुधबार औरही बजार बन्द गर्दै बर्दिवास–जलेश्वर सडकखण्डमा धर्नामा बसेका छन् । औरही उद्योग वाणिज्य संघका सदस्य राजु चौधरीले घटनामा संलग्नको पहिचान खुले पनि अपराधी पक्राउ गर्न नसकेको भन्दै आफूहरु आन्दोलनमा उत्रेको जनाएका छन् ।

गएको आइतबार औरही –१ मा रहेको सिद्धान्त फेन्सी स्टोर्सका सञ्चालक सन्तोष चौधरीकी ८ महिने छोरी सोनाली चौधरीलाई खेलाउने निहुँमा भंगाहा सीतापुर ६ जमुनियाका २५ वर्षीय भरत साहले खेलाउने बहानामा अपहरण गरी लगेका थिए । सोमबार बालिकाको शव औरही गाउँभन्दा पूर्वपट्टि खेतमा भेटिएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्