चोरीकाे रिचार्ज कार्डबाट ६ जना पक्राउ

साउन १९, २०७८ मंगलबार १५:१६:१४ | प्रेमनारायण आचार्य

अर्घाखाँची – अर्घाखाँचीको सन्धिखर्कका विभिन्न ठाउँमा चोरी गर्दै हिँड्ने ६ जनालाई प्रहरीले पक्राउ गरेको छ । सन्धिखर्कका बजार क्षेत्रमा चोरीका घटना बढ्दै गएपछि प्रहरीले विशेष टोली गठन गरी अनुसन्धान सुरु गरेको थियो ।

अनुसन्धानका क्रममा चोरीमा हराएका सामग्रीसहित ६ जनालाई पक्राउ गरिएको जिल्ला प्रहरी कार्यालय अर्घाखाँचीका प्रहरी नायब उपरीक्षक (डीएसपी) अम्मर थापाले बताउनुभयो । पक्राउ पर्नेमा सन्धिखर्क नगरपालिका ११ का २६ वर्षीय किसन नेपाली, सामान बरामद भएको घरका १८ वर्षीय रोशन नेपालीसहित १७, १५, १३ र १२ वर्षका चार जना किशोर रहेका छन् ।

सन्धिखर्क नगरपालिका वडा नम्बर १ कौ बैंक रोडमा पसल गरी बस्ने बाबुराम नेपालीको पसलबाट दुई वटा ल्यापटप, २५ वटा मोबाइल र १५ सय रुपैयाँको रिचार्ज कार्ड चोरी भएपछि रिचार्ज कार्डमा प्रयोग भएको नम्बरबाट चोर पत्ता लागेको डीएसपी थापाले जानकारी दिनुभयो ।

उनीहरूको साथबाट दुई वटा ल्यापटप, २५ वटा मोबाइल, घडी तथा विभिन्न किराना सामानसमेत प्रहरीले बरामद गरेको छ । पक्राउ परेका ६ जनालाई चोरी मुद्दामा जिल्ला अदालत अर्घाखाँचीबाट पाँच दिनको म्याद थप गरी अनुसन्धान भइरहेको जिल्ला प्रहरी कार्यालय अर्घाखाँचीका सूचना अधिकारी गणेश खनालले बताउनुभयो ।

उनीहरूले साउन महिनामा सन्धिखर्क ११ जोगिमारेका राजकुमार सुनारको सुनचाँदी पसलबाट २५ तोला चाँदी, एउटा ल्यापटप, बुद्धिबहादुर सेजवालको किराना पसलबाट विभिन्न किराना सामान, हिमबहादुर सेजवालको पसलबाट ५० थरीका किराना सामान चोरी गरेका थिए ।

त्यस्तै सन्धिखर्कको बैंक रोडमा रहेको बाबुराम नेपालीको पसलबाट दुई वटा ल्यापटप, २५ वटा मोबाइल सेट र १५ सयको रिचार्ज कार्ड चोरी गरेका थिए ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्