कागजात नबाेकी गाडी चलाए मुद्दा चलाइने

जेठ १९, २०७५ शनिबार ११:१८:४४ | विमल बिष्ट

डोटी, जेठ १९ – डोटीमा कुनै पनि सवारी चालकले बिना कागजात सवारी चलाएमा मुद्दा चलाइने भएको छ ।

जिल्ला प्रहरी कार्यालय डोटीका प्रहरी प्रवक्ता तथा डीएसपी हेरम्ब शर्माले कुनै पनि सवारी चालकले अनुमतिपत्र नबोकेर सवारी चलाएमा सवारी मुद्दा चलाउने तयारी भएको बताउनुभयो । उहाँले भन्नुभयो, ‘सवारी चालक अनुमतिपत्र नभएर पनि सवारी चलाएको धेरै पाइयो, अब उपरान्त कसैले पनि सवारी चालक अनुमतिपत्र र गाडीको कागजात नबोकी सवारी चलाइएको पाइएमा सिधै सवारी ऐन अन्तरगत मुद्दा चलाइने छ ।’

डोटीमा सवारी चालक अनुमतिपत्र नभएकाले पनि जीप लगायत अन्य सवारी साधन चलाउने गरेको र तिनै व्यक्तिले बढी जसो सवारी दुर्घटना गरेकाले प्रहरीले यो कदम चालेको हो । पछिल्लो समय डोटीमा भएका जीप दुर्घटनामा ठूलो मानविय क्षति भएको भन्दै प्रहरीले दैनिक रुपमा गाडीका कागजात तथा सवारी अनुमतिपत्र (लाइसेन्स) चेक जाँचमा बढी कडाई गरेको छ ।

त्यस्तै गाडीको तोकिएको सिट क्षमता भन्दा बढी यात्रु बोक्ने सवारी साधनलाई पनि प्रहरीले धमाधम कारबाही गर्न थालेको छ । डोटीमा बिना कागजात गाडी चलाउने तथा तोकिएको सिट क्षमताभन्दा बढी यात्रु बोक्नेलाई कडा कारबाही गरिने जिल्ला ट्राफिक प्रहरी कार्यालय दीपायलका प्रमुख रुपसिंह थापाले बताउनुभयो ।

ट्राफिक प्रहरी तथा जनपथ प्रहरीले गाडी चेकजाँचमा कडाई गरेपछि अहिले बिना कागजाँतमा गाडी चलाउनेहरु सावधान भएको ईलाका प्रहरी कार्यालय दीपायलका प्रमुख दिलबहादुर कुँवरले बताउनुभयो ।

जिल्ला ट्राफिक प्रहरी कार्यालय दीपायलको तथ्यांक अनुसार गएको चार दिन यता डोटीमा ट्राफिक प्रहरीले एक दजनाभन्दा बढी गाडीहरुका चालकलाई कारबाही गरेको छ । त्यस्तै अनुमतिपत्र (लाइसेन्स) बिनाका चालकलाई गाडी चलाउन नदिन डोटी प्रहरीले गाडी धनीहरुलाई आग्रह गरेको छ ।

डोटीमा सबैधन्दा बढी मोटरसाइकल, टयाक्टर तथा केही जीप चालकले अनुमतिपत्र तथा गाडीको काजजात बिना नै गाडी चलाउने गरेको प्रहरीको तथ्यांकमा उल्लेख छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्