निर्मलाको घटना सेलाउन नपाउँदै कञ्चपुरमा अर्की बालिका बलात्कृत

भदौ १५, २०७५ शुक्रबार १४:३७:४९ | दुर्गा उपाध्याय

कञ्चनपुर – निर्मला पन्तको बलात्कारपछि हत्याको घटना सेलाउन नपाउँदै कञ्चनपुरमा अर्की बालिका बलात्कारको शिकार भएकी छिन् । बेलडाँडी गाउपालिका –१, की अन्दाजी १४/१५ वर्षीया बालिकामाथि बलात्कार भएको जिल्ला प्रहरी कार्यालय कञ्चनपुरले जनाएको छ ।

बालिकालाई राति एकजनाले फोन गरेर बाहिर निस्किन लगाई २ जनाले मोटरसाइकलमा राखेर घरबाट टाढा लगेर बलात्कार गरेको सोधपुछका क्रममा पीडितले बताएको जिल्ला प्रहरी कार्यालय कञ्चनपुरका प्रहरी प्रमुख कुबेर कडायतले बताउनुभयो ।

उहाँका अनुसार बिहीबार बालिकाको घरमा सत्यनारायणको पूजा थियो । पूजा सकिएपछि नाचगानका क्रममा चिनेकै व्यक्तिले फोन गरेर बालिकालाई बाहिर निस्किन लगाई अपहरण शैलीमा बाहिर लगेर बलात्कार गरेको खुल्न आएको छ ।

स्थानीयले ४ जनाको समूहमा आएका यूवाले बालिकालाई सामूहिक बलात्कार गरेको बताए पनि प्रहरीले भने एक जनाले बलात्कार गरेको बताएको छ ।

‘बालिकालाई लिन ४ जना युवा आएका रहेछन्’, प्रहरी प्रमुख कडायतले भन्नुभयो, ‘तर, दुईजनाले मोटरसाइकलमा राखेर लगेछन् र एक जनाले बलात्कार गरेको रहेछ ।’

प्रहरीका अनुसार बालिकालाई मेडिकल जाँचका लागि महाकाली अञ्चल अस्पतालमा ल्याइएको छ । उनको मेडिकल रिपोर्ट आएपछि मात्रै सामूहिक बलात्कार हो वा एक जनाले मात्रै बलात्कार गरेको भन्ने खुल्ने प्रहरी प्रमुख कडायतले भन्नुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्