दाङ : बगासोतीखर्कका १३ घरमा सोलार बत्ती जडान

भदौ १३, २०७८ आइतबार ९:३४:१२ | हेमराज शर्मा

दाङ - दाङको देउखुरी राप्ती गाउँपालिका–१ बगासोतीखर्कका १३ घरमा सोलार बत्ती जडान गरिएको छ ।

वर्षाैँदेखि सल्लाको दियालो, टुकी र लालटिनको उज्यालोमा बसेका स्थानीयवासी घरमा सोलार जडान भएपछि खुशी भएका छन ।

स्थानीय चेतमान बुढाले गाउँमा वडाले सोलारको व्यवस्था गरेपछि पहिलेजस्तो अँध्यारोमा बस्नुपर्ने बाध्यता हटेको बताउनुभयो । स्थानीय सुशीला बुढाले पनि वर्षाैँवर्ष अन्धकारमा जीवन बिताएकाे र अहिले गाउँमा सोलार जडान भएपछि निकै खुसी लागेको बताउनुभयो ।

‘घरको काम रातिसम्म गर्नुपर्छ, जसले गर्दा महिलाहरुलाई धेरै अप्ठ्याराे हुने गरेको थियो’, उहाँले भन्नुभयो– ‘तर अहिले सोलारबाट रातमा काम गर्दा बत्ती बाल्न पाइन्छ । जसले गर्दा आफूहरुजस्ता महिलाहरुलाई काम गर्न सहज भएको छ।’

घरमा बत्ती भएपछि रातमा सर्प तथा अन्य किराकाँटीहरुकाे डर कम भएकाे उहाँले बताउनु भयाे । अहिले बालबालिकालाई रातको समयमा पढ्न समेत सजिलो भएको छ । त्यस्तै उहाँले टुकी तथा लालटिन हुँदा बालबालिकाकाे लापरबाहीले गर्दा आगलागीको समेत जोखिम हुने गरेको थियो। अहिले, बत्तीको व्यवस्था भएपछि त्यो जोखिमसमेत हटेको उहाँले बताउनुभयो ।

वडाको विकट बस्तीका रुपमा रहेको बगासोतीखर्कमा २ लाख रुपैयाँ बजेटबाट १३ घरमा बत्तीको व्यवस्था गरिएको राप्ती गाउँपालिका-१ का अध्यक्ष तारा डीसीले जानकारी दिनुभयो । बागासोतीखर्कमा अति विपन्न परिवारहरु बसोबास गर्ने र त्यस गाउँमा घरहरु पनि टाढा–टाढा भएकाले विद्युत पुर्याउन समस्या भइरहेको अध्यक्ष डीसीले बताउनुभयो ।

अब विद्युत सेवा विस्तार गर्ने काम सुरु गरिने उहाँले बताउनुभयो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्