कपिलवस्तु : बाणगङ्गा नदी कटानका कारण खोरिया गाउँ उच्च जाेखिममा

भदौ १३, २०७८ आइतबार ११:३५:१७ | गोपाल भण्डारी

कपिलवस्तु - कपिलवस्तुको बाणगङ्गा नदीमा आएको बाढीले यशोधरा गाउँपालिका-८ को खोरिया गाउँ उच्च जोखिममा परेको छ ।

नदीले बस्ती कटान गर्न थालेपछि स्थानीय बासिन्दा त्रसित बनेका छन् । नदीमा पानीको बहाव र सतह बढ्दै गर्दा तटबन्ध टुट्ने हो कि भन्ने डरले सताएको त्यहाँका पप्पु मुसलमानले बताउनुभयो ।

तत्कालका लागि बाढीले क्षति पुर्याएको ठाउँमा तटबन्ध बनाउन लागिएको जिल्ला प्रशासन कार्यालयले जनाएको छ ।

बाणगङ्गा नदी तटीय क्षेत्रका स्थानीय बासिन्दा हरेक वर्ष बाढीको चपेटामा पर्ने गरेका छन्।

वर्षाैँदेखिको यो समस्या समाधानका लागि स्थानीय सरकार, प्रदेश सरकार र केन्द्र सरकारको ध्यानाकर्षण गराए पनि समस्या समाधान नभएको स्थानीय बासिन्दाको गुनासो छ ।

पछिल्लो ६ घण्टामा कपिलवस्तुको बाणगङ्गामा धेरै ठूलो पानी परेको छ । यो क्षेत्रमा थप वर्षा हुने अनुमान छ ।

बाढी पूर्वानुमान महाशाखाले पनि बाणगङ्गा नदीमा आकस्मिक बाढी आउन सक्ने भएकाले तटीय क्षेत्र र डुबान भइरहने क्षेत्रमा उच्च सतर्कता अपनाउन आग्रह गरेकाे छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्