कांग्रेसकाे निर्णय : वडा अधिवेशन भएका जिल्लामा पालिका अधिवेशन ९ गते नै हुने

असोज ६, २०७८ बुधबार १८:४९:३ | उज्यालो सहकर्मी

काठमाण्डाै – नेपाली कांग्रेसको पदाधिकारी बैठकले असोज ९ गते नै पालिका अधिवेशन गर्ने निर्णय गरेको छ । आज बुधवार सिंहदरबारमा बसेको पार्टीको पदाधिकारी बैठकले पूर्वनिर्धारित समय (९ गते) नै पार्टीको पालिकास्तरीय अधिवेशन गर्ने निर्णय गरेको हो ।

बैठकपछि सञ्चारकर्मीसँग बोल्दै पार्टीका प्रवक्ता विश्वप्रकाश शर्माले अधिवेशनका राेकिएका प्रक्रियालाई सहमतिपूर्वक निकास दिँदै जाने र अघि बढिसकेका प्रक्रियालाई निश्चित टुङ्गो गर्ने निर्णय गरेको बताउनुभयो । उहाँले पार्टीले ९ गतेसम्म पार्टीको क्रियाशील सदस्य टुङ्गो लगाउने निर्णय भएको पनि बताउनुभयो । प्रवक्ता शर्माले पार्टीको पालिकास्तरीय अधिवेशनपछिका अन्य अधिवेशनको हकमा केन्द्रीय समितिले आवश्यकताअनुसार अघि बढाउँदै जाने निर्णय भएको समेत बताउनुभयो ।

प्रवक्ता शर्माले भन्नुभयो, ‘नेपाली कांग्रेस महाधिवेशनको क्रममा छ, यस क्रममा कतिपय जिल्लाको क्रियाशील सदस्यता टुङ्गो लागेर सार्वजनिक हुन बाँकी छ, धेरैजसाे जिल्लाको हकमा भने वडा तहको अधिवेशन सम्पन्न भएर पालिका तहको अधिवेशन ९ गतेका लागि निर्धारित छ । आज बैठकले ९ गतेका लागि पूर्वनिर्धारित पालिकास्तरीय अधिवेशनलाई सम्पन्न गर्ने सन्दर्भमा सहमति बनाएको छ, अर्कोतर्फ ९ गतेभित्रै बाँकी जिल्लाको क्रियाशील सदस्यहरूको टुङ्गो लगाउने र आफ्नो काम गर्ने गतिलाई बढाउने निर्णय गरेको छ, त्यसका लागि निर्धारित समितिले काम गर्नेछ ’

प्रवक्ता शर्माले देशभरका नेपाली कांग्रेसका कार्यकर्तालाई ९ गतेको पालिका अधिवेशनलाई उत्साहपूर्वक अघि बढाउन आग्रह गर्नुभयो । उहाँले सर्वसम्मत रूपमा पदाधिकारी निर्वाचित हुने ठाउँमा सर्वसम्मतिको प्रक्रिया र नहुने ठाउँमा लोकतान्त्रिक स्वस्थ अभ्यासको वातावरणबाट टुङ्गो लगाउन अपिल पनि गर्नुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्