सरकारको निर्णयले होटल व्यवसायी खुसी, नेपाललाई ‘रेड जोन’ बाट हटाउन माग

असोज १०, २०७८ आइतबार १६:५७:४५ | उज्यालो सहकर्मी

काठमाण्डाै – काेराेना भाइरसविरुद्धकाे खोप लगाएका पर्यटक नेपाल आएर क्वरेण्टीनमा बस्नु नपर्ने र अन अराइभल भिसा खुलाउने सरकारको निर्णयले होटल व्यवसायीहरू खुसी भएका छन् ।

होटल एसोसिएशन अफ नेपाल (हान) ले आज आइतवार एक विज्ञप्ति निकालेर खोपको मात्रा पूरा गरी आउने विदेशी पर्यटकलाई अन अराइभल भिसा उपलब्ध गराउने, नाका खोल्ने, क्वरेण्टीन बस्नु नपर्ने जस्ता निर्णयले होटल व्यवसायी उत्साहित भएको उल्लेख गरेको छ ।

सरकारको निर्णयले पर्यटन सम्भावनाको ढोका खुलेको हानको भनाइ छ । विदेशी पाहुनालाई सेवा दिने होटलका ९५ प्रतिशतभन्दा धेरै कर्मचारी तथा कामदारहरूले खोप लगाइसकेको भन्दै हानले सम्पूर्ण पर्यटन व्यवसायी र पर्यटनका लागि एक स्वर गरी अगाडि बढ्ने प्रतिबद्धता व्यक्त गरेको छ ।

नेपालमा अहिले पहिलो वा दोस्रो गरी ४० प्रतिशतभन्दा धेरै नेपाली नागरिकले कोभिडविरुद्धको खोप लगाइसकेको हुँदा अन्तर्राष्ट्रिय जगतमा नेपाललाई ‘रेड जोन’ बाट हटाउन सरकारले पहल गर्नु अति आवश्यक रहेको हानको भनाइ छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारको निर्णयले होटल व्यवसायी खुसी, नेपाललाई ‘रेड जोन’ बाट हटाउन माग

प्रतिकात्मक तस्बिर

तपाईको प्रतिक्रिया