इलाममा अबैध रुपमा चलाईएका सात गाडी नियन्त्रणमा

जेठ १९, २०७५ शनिबार २०:४७:४९ | उज्यालो सहकर्मी

इलाम – इलाममा शनिबार अबैध रुपमा चलाइएका पाँचवटा गाडी र दुइवटा एक्स्क्याभेटरलाई नियन्त्रणमा लिइएको छ ।

माङ्गसेबुङ्ग गाउँपालिकामा रहेको दमक–रवि चल्ने कच्ची सडक खण्डमा यात्रुलाई छतमा राखेर लैजाँदै गरेका पाँचवटा गाडीलाई नियन्त्रणमा लिइएको हो ।
त्यस्तै दुईवटा एक्स्क्याभेटरलाई अबैध रुपमा बालुवा निकालिरहेको अवस्थामा नियन्त्रणमा लिइएको जिल्ला प्रहरी कार्यलय इलामले जनाएको छ ।

माङ्गसेबुङ गाउँपालिकाको रतुवा खोलाबाट बालुवा निकालिरहेका बेला प्रमुख जिल्ला अधिकारी श्रवणकुमार तिमल्सिना तथा प्रहरी सहितको टोलीले एक्स्क्याभेटरलाई नियन्त्रणमा लिएको हो ।

गाउँपालिकाका वडा नं –५ मा पर्ने दमक–रवि सडकका लागि भन्दै बालुवा निकालिरहेको अवस्थामा एक्स्क्याभेटरलाई नियन्त्रणमा लिई साँचो लिएको जिल्ला प्रहरी कार्यालय इलामका प्रहरी प्रमुख उपरीक्षक माधव प्रसाद श्रेष्ठले बताउनु भयो ।

खोलाबाट अनाधिकृत रूपमा बालुवा निकालिरहेको भेटिएकाले एक्स्क्याभेटरको साँचो र अन्य पाँचवटा गाडीको भने चार थान लाईसेन्स सहित एक थान ब्लू–बुक नियन्त्रणमा लिएको उपरीक्षक श्रेष्ठको भनाई छ ।

कानूनी प्रक्रिया पूरा नगरी खोलाबाट एक्स्काभेटर प्रयोग गरी बालुवा निकाल्नु अबैध मानिन्छ ।
प्राकृतिक स्रोत–साधनको करको जिम्मा स्थानीय तहलाई भएकाले स्थानीय तहलाई नै आवश्यक कारवाहीका लागि अनुरोध गर्दै जिल्ला समन्वय समितिलाई पत्र पठाई सकिएको जिल्ला प्रशासन कार्यालय इलामले जनाएको छ ।

माङ्सेबुङ गाउँपालिकामा आयोजित एउटा कार्यक्रम सकेर विराटनगरतर्फ जाँदै गरेको अवस्थामा प्रजिअ तिम्सिना सहितको टोलीले ती गाडीहरुलाई भेटेको थियो ।

बालुवा निकाल्ने एक्स्काभेटर झापाका निर्माण व्यवसायीहरुको हुनसक्ने अनुमान प्रशासनले गरेको छ । जिल्लाको दक्षिणी भेग झापासँग जोडिएकाले सो चुरे क्षेत्रका खोलाको गिट्टी–बालुवा निकासी बर्सेनि विवादित बन्ने गरेको छ ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्