पश्चिमी वायुको प्रभावले फेरि बद्ली, ठूलो पानी पर्दैन : मौसमविद्

कात्तिक ५, २०७८ शुक्रबार ११:५०:१८ | उज्यालो सहकर्मी

काठमाण्डाै - पश्चिमी वायुको आंशिक प्रभाव परेकाले काठमाण्डौसहित देशका धेरै ठाउँको मौसम आंशिकदेखि सामान्य बद्ली भएको छ ।

बिहान बादल हटेर घाम लाग्ने भनिए पनि पश्चिमी वायुको प्रभावका कारण लगातारजसो जलवाष्पयुक्त हावा नेपाल प्रवेश गरिरहेकाले बादल हट्न नसकेको मौसमविद् समिर श्रेष्ठले बताउनुभयो।

उहाँका अनुसार बादल लागे पनि ठूलो पानी पार्ने गरी प्रणाली विकसित नभएकाले आज ठूलो वर्षाको सम्भावना भने छैन । तर, केही ठाउँमा भने हल्का वर्षा हुन सक्ने उहाँले बताउनुभयो ।

उहाँका अनुसार पश्चिमी वायुको प्रभावकै कारण भोलि देशका धेरै ठाउँमा पानी पर्ने अनुमान गरिएको छ । विशेषगरी वाग्मती, गण्डकी र प्रदेश-१ का धेरै ठाउँमा पानी पर्ने सम्भावना रहेको मौसमविद् श्रेष्ठले बताउनु भयो । एक, दुई ठाउँमा मेघगर्जनसहित चट्याङ्ग पर्ने सम्भावना पनि रहेकाले आवश्यक सतर्कता अपनाउन मौसमविद्को आग्रह छ ।

अक्टोबर महिनामा मनसुनपछिको अवस्था अर्थात पोस्ट मनसुनका गतिविधि सक्रिय हुने भएकाले पानी पर्ने मौसमविद्ले बताएका छन् । लगातार पाँच दिनसम्म परेको पानीले देशका धेरै ठाउँमा बाढी पहिरो जानुका साथै तराईका धेरै ठाउँ डुबानमा परेका छन् ।

हिजो मौसम सफा भएर घाम लागे पनि फेरि पश्चिमी वायुको प्रभावले मौसम धुम्मिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्