भन्सार छली ल्याएकाे औषधिसहित सङ्खुवासभामा दुई चिनियाँ नागरिक पक्राउ

कात्तिक १४, २०७८ आइतबार २०:४२:१० | नवीन गुरुङ

सङ्खुवासभा – सङ्खुवासभामा दुई जना चिनियाँ नागरिक भन्सार छली ल्याएकाे अवैध औषधिसहित पक्राउ परेका छन् ।

चीनको सिचुङ घर भइ हाल सङ्खुवासभामा रुद्राक्ष व्यापार गर्न आएका साङदोङ र उछिनग्लिन नाम गरेका दुई चिनियाँ नागरिकलाई पक्राउ गरिएको जिल्ला प्रहरी कार्यालय सङ्खुवासभाका प्रहरी निरीक्षक सुभेश अधिकारीले बताउनुभयो ।

उहाँका अनुसार, खाँदबारी नगरपालिका ९ तुम्लिङटारमा रहेको बुद्ध होटल एन्ड लजमा भन्सार राजस्व छली ल्याएको औषधिसहित उनीहरू पक्राउ परेका हुन् । ‘पीबीओजी’ लेखेको कृषि बालीमा प्रयोग हुने औषधि (रुद्राक्षको बोटमा छर्कने) लुकाइ राखेको भन्ने सूचना पाएपछि विमानस्थलका सुरक्षा गार्ड र सदरमुकाम खाँदबारीबाट खटिएको संयुक्त टोलीले लजमा छापा मारेको थियो ।
त्याे होटलको कोठा नं. ५०२ मा स्टोर गरी राखेको ३६ बोरा (आठ सय केजी) बराबरको ‘पीबीओजी’ औषधि भेटिएको प्रहरीले जनाएको छ ।

बरामद भएको औषधीसहित ती दुई चिनियाँ नागरिकलाई कारबाहीका लागि राजस्व अनुन्धान कार्यालय इटहरी सुनसरी पठाइएको प्रहरी निरीक्षक अधिकारीले बताउनुभयो ।

सङ्खुवासभामा बर्सेनि ठूलो सङ्ख्यामा चिनियाँ नागरिकहरू रुद्राक्ष व्यपारका लागि आउने गरेका छन् । उनीहरूले यहाँबाट बर्सेनि ठूलो मात्रामा रुद्राक्ष चीन लैजाने गर्दछन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्