भरतपुरका अत्यावश्यक कार्यालयमा वैकल्पिक बाटोबाट बिजुली, कुलमान आफैँ 'फिल्ड' मा

कात्तिक १७, २०७८ बुधबार १४:३८:४० | उज्यालो सहकर्मी

चितवन – चितवनको भरतपुर महानगरपालिकामा बिजुली आउन अझै आठ/दश घण्टा लाग्ने भएको छ । भरतपुर महानगरपालिकाको बसेनी ग्रिड सबस्टेशनको पावर ट्रान्सफर्मरहरूमा समस्या आउँदा भरतपुर महानगरपालिकाको १ देखि १३ तथा २९ नम्बर वडा र तनहुँको देवघाट क्षेत्रमा हिजो मङ्गलवार दिउँसोदेखि विद्युत् आपूर्ति बन्द भएको छ ।

हिजो दिउँसोदेखि राति पनि नभनी काम भइरहेको र आज राति बिजुली दिन सक्ने सम्भावना रहेको प्राधिकरणका वितरण तथा ग्राहक सेवा निर्देशनालयका उपकार्यकारी निर्देशक मनोज सिलवालले उज्यालोलाई जानकारी दिनुभयो । ट्रान्सफर्मर जडान भइसकेको र यसको चार्ज तथा परीक्षणमा केही समय लाग्ने उहाँको भनाइ छ ।

भरतपुरका केही ठाउँमा चनौली, टाँडी, कावासोसी र तनँहुबाट समेत ल्याएको बिजुली उपलब्ध गराइएको सिलवालले जानकारी दिनुभयो । जिल्ला प्रशासन कार्यालय, अस्पताल, प्रहरी कार्यालयलगायतका ठाउँमा वैकल्पिक बाटोबाट बिजुली दिइएको प्राधिकरणले जनाएको छ ।

बसेनी ग्रिड सबस्टेशनमा एकै पटक दुई वटै ट्रान्सफर्मरमा समस्या आउँदा लामो समय बिजुली दिन नसकिएको प्राधिकरणले जनाएको छ ।

यसैबीच, नेपाल विद्युत् प्राधिकरणका कार्यकारी निर्देशक कुलमान घिसिङ सबस्टेशनको निरीक्षण गर्न र काममा हौसला थप्न आफैँ चितवन जानुभएको छ । दिउँसो १२ बजे चितवन पुग्नुभएका घिसिङले काम गरिरहेका कर्मचारीलाई हौसला दिने र समस्याको छिटो समाधानको पहल गरिरहनुभएको प्राधिकरणले जनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्