सल्यान – सल्यानबाट दाङको तुलसीपुरका लागि छुटेकाे बस दुर्घटना हुँदा ज्यान गुमाउनेकाे सङ्ख्या १२ पुगेकाे छ । ना २ ख २५५२ नम्बरको यात्रुवाहक बस कपुरकोट गाउँपालिका ५ को खारखोला नजिक दुर्घटना भएकाे हाे ।  

बस दुर्घटनामा दुई पुरुष र १० महिला गरी १२ जनाकाे ज्यान गएकाे जिल्ला प्रहरी कार्यालयका प्रहरी नायब उपरीक्षक (डीएसपी) गाेविन्द थापाले जानकारी दिनुभयाे । 

तिहार मनाएर फर्किएकाहरू दुर्घटनामा परेका हुन् । बसमा झन्डै ३५ जना यात्रु रहेका अनुमान गरिएको प्रहरीले जनाएको छ । अहिले पनि उद्धार भइरहेकोले ज्यान गुमाउनेहरुको पहिचान खुलेको छैन ।

गम्भीर घाइतेहरूलाई हेलिकप्टरमार्फत नेपालगञ्ज र काठमाण्डौ पठाउने तयारी भइरहेको प्रहरीको भनाइ छ । बस सडकबाट दुई सय मिटर तल खसेको बताइएको छ ।  

तस्बिर : फाैद बस्नेतकाे फेसबुकबाट