नागरिक सरकारप्रति खुशी छैनन् : प्रचण्ड

भदौ २०, २०७५ बुधबार १९:१४:० | हरि हुमागाईं

मकवानपुर – नेपाल कम्युनिष्ट पार्टी (नेकपा) का अध्यक्ष तथा पूर्व प्रधानमन्त्री पुष्पकमल दाहाल प्रचण्डले पाँच वर्षभित्रमा समृद्ध नेपाल बनाएरै छाड्ने बताउनुभएको छ ।

मकवानपुरको मनहरी–९, रजैयामा रहेको ओम वातावरण शुद्धिकरण अभियान अग्निहोत्र श्रमको वार्षिकोत्सवको आज उद्घाटन गर्दै उहाँले अबको ६ महिना भित्रमा सरकारले देखिनेगरी काम गर्ने योजना रहेको बताउनुभयो । अब पूर्व–पश्चिम रेलमार्ग सपना मात्र नभएर यथार्थमा परिणत हुने उहाँले बताउनुभयो । चीन र भारतबाट रेल आउने निश्चित भएको उहाँले बताउनुभयो । अब वर्षायाम सकिएपछि काठमाडौंको सबै सडक स्तरोउन्नति गरेर सफा र हराभरा बनाउने अध्यक्ष प्रचण्डले बताउनुभयो ।

अहिले जनता सरकारप्रति खुशी नरहेको बताउँदै उहाँले भन्नुभयो, ‘काठमाडौंको सडक हिलो, चिप्लो हेरेर सबै जनता निराश छन् । अब यो वर्षायाम सकिनेबित्तिकै सडक राम्रोसँग बनाउँछौ । अनि निराशा धेरै कम हुन्छ ।’

मकवानपुरको मनहरीमा पनि लक्षित गरेर पुल बनाउनका लागि आफूहरु तयार रहेको अध्यक्ष प्रचण्डले बताउनुभयो । अब कृषिमा आधुनिकीकरण गरेर काम गर्ने बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्