जिका भाइरसको जोखिम नेपालमा पनि तर परीक्षण गर्ने किट नै छैन

कात्तिक २४, २०७८ बुधबार ७:५३:१२ | उज्यालो सहकर्मी

काठमाण्डाै - छिमेकी देश भारतमा जिका भाइरसको सङ्क्रमण फैलिएसँगै नेपालमा पनि जोखिम बढेको छ ।

खुला सीमानाकाका कारण नेपालमा पनि सङ्क्रमण सजिलै फैलन सक्ने भएकाले जोखिम बढेको हो । नेपालमा अहिलेसम्म जिका भाइरसको सङ्क्रमण देखिएको छैन । तर, परीक्षणका लागि किट नै नभएकाले नेपालमा यसका बिरामी छन्, छैनन् भन्ने आधिकारिक पुष्टि गर्न कठिनाइ भएको छ ।

स्वास्थ्य मन्त्रालयका प्रवक्ता डाक्टर कृष्णप्रसाद पौडेलले अहिलेसम्म यो भाइरसबारे कुनै जानकारी नआएको बताउनुभयो । उहाँकाअनुसार नेपालमा जिका भाइरस परीक्षण गर्ने किट नै छैन । तर, अब भारतमा पनि फैलिरहेकाले जोखिम बढेको भन्दै परीक्षण किट ल्याउने तयारी भइरहेको छ । परीक्षण किट आउन अझै एक/दुई हप्ता लाग्ने उहाँले बताउनुभयो ।

जिका भाइरस एडीस जातको सङ्क्रमित लामखुट्टेको माध्यमबाट मानिसमा सर्ने गर्दछ । यो जातको लामखुट्टे नेपालमा पनि पाइन्छ । यो लामखुट्टे दिउँसोको समयमा धेरै सक्रिय हुन्छ । गर्भवतीलाई यो भाइरसको सङ्क्रमण भएमा गर्भपतन हुने वा नवजात शिशुको मस्तिष्कको विकास नहुने हुन सक्छ।

यस्तै, गर्भवती भएका बेला यो आमाबाट बच्चामा सर्न सक्छ भने सङ्क्रमितसँगको असुरक्षित शारीरिक सम्पर्कबाट पनि जिका भाइरस एक व्यक्तिबाट अर्को व्यक्तिमा सर्ने विज्ञले बताएका छन्।

यस्तै, सङ्क्रमित व्यक्तिको रगत लिँदा वा अङ्ग प्रत्यारोपण गर्दा पनि यो भाइरस सर्न सक्छ । विज्ञहरुका अनुसार जिका भाइरस सङ्क्रमित भएका धेरै व्यक्तिमा यसको कुनै पनि लक्षण देखिँदैन।

उनीहरुका अनुसार सङ्क्रमित लामखुट्टेले टोकेको ३ देखि १४ दिनभित्र ज्वरो आउने, आँखा रातो हुने वा सुन्निने, जोर्नी धेरै दुख्ने, शरीरमा बिमिराहरु देखिने हुन सक्छ । जिका भाइरसको अहिलेसम्म कुनै औषधि उपचार नभएकाले लामखुट्टेको टोकाइबाट बच्नु नै एक मात्र उत्तम उपाय हो ।

लामखुट्टेको टोकाइबाट बच्न घर नजिकै पानी जम्न नदिने, सुत्ने बेलामा झुलको प्रयोग गर्ने, लामो बाहुला भएका र शरीर ढाक्ने खालका लुगा लगाउने गर्नुपर्छ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्