निर्मला पन्त हत्या प्रकरणमा प्रारम्भिक अनुसन्धानमै प्रहरी चुक्यो : मानव अधिकार अायाेग

भदौ २१, २०७५ बिहीबार १५:४३:१३ | दुर्गा उपाध्याय

कञ्चनपुर – निर्मला पन्तको हत्या प्रकरणमा प्रहरीले गरेको प्रारम्भिक अनुसन्धानमा त्रुटि भएको राष्ट्रिय मानव अधिकार आयोगका सदस्य तथा प्रवक्ता मोहना अन्सारीले बताउनुभएको छ ।

बिहीबार महेन्द्रनगरमा भएको पत्रकार सम्मेलनमा बोल्दै राष्ट्रिय मानव अधिकार आयोगका सदस्य तथा प्रवक्ता मोहना अन्सारीले आयोगले गरेको प्रारम्भिक अध्ययन प्रतिवेदनमा निर्मलाको हत्यामा प्रहरीको प्रारम्भिक अनुसन्धानमै त्रुटि भेटिएको बताउनुभएको हो ।

उहाँले जुन प्रक्रियाबाट निर्मलाको घटनाको त्यो प्रक्रियाबाट अनुसन्धान हुन नसकेको बताउदै प्रहरी प्रारम्भिक अुनसन्धान मै चुकेको बताउनुभयो ।

‘हाम्रो टिमले गरेको अध्ययन गरेर तयार पारेको प्रतिवेदनमा हेर्दा प्रहरी प्रारम्भिक अनुसन्धामै चुकेको देखिन्छ’, प्रवक्ता अन्सारीले भन्नुभयो ‘यो एउटा घटनाले गर्दा यस्तो भएको होइन् । यसमा अरु थुप्रै घटनाहरु पनि जोडिएका छन् ।’

उहाँले निर्मलाको बलात्कारपश्चात हत्याको अभियोगमा पक्राउ परेका दिलिपसिंह विष्टलाई उपचारका नाममा काठमाडौं लगेर प्रहरीले अँध्यारो कोठमा बन्दी बनाएर राखेको भन्दै खबर आएकाले उसको अवस्था बुझ्न केन्द्रमा खबर गरिसकेको बताउनुभयो ।

महिलामाथि हुने हिंसाका घटनालाई प्रहरीले अन्य अपराधजस्तो संवेदनशील रुपमा नहेर्ने भएकाले पनि बलात्कार जस्ता जघन्य घटनाहरु बढ्दै गएको उहाँको भनाई छ ।

‘महिलामाथि हिंसाका घटनाहरु सधैँ नै भै नै रहेका छन्’, प्रवक्ता अन्सारीले भन्नुभयो, ‘तर, निर्मलाको घटनालाई सबै नेपालीले आफूमाथि भएको घटनाका रुपमा लिएकाले पनि यो अवस्था आएको हो ।’

उहाँले प्रहरीले निर्मलाको हत्या प्रकरणमा निर्दोष व्यक्तिलाई बिना कुनै प्रमाण नियन्त्रणमा लिएर दुःख दिएको भन्दै प्रहरीसँग उनीहरुको मेडिकल जाँच र नियन्त्रणमा लिनुको कारण माग गरेको बताउनुभयो ।

यसअघि, राष्ट्रिय मानव अधिकार आयोगको ७ नम्बर प्रदेश कार्यालयले निर्मलाको बलात्कारपश्चात हत्या गरिएको घटनाका बारेमा सुक्ष्म तरिकाले अध्ययन गरी प्रतिवेदन तयार पारेको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्