सल्यान घटनामा बाँचेका बालिकाको नाममा बैंक खाता, पहिलो दिन डेढ लाख जम्मा

भदौ २२, २०७५ शुक्रबार १८:७:८ | पुरुषोत्तम गिरी

सल्यान – सल्यानको बागचौर नगरपालिका ४ सेतोगुराँसमा भदौ १२ गते घर भत्किएर पाँच जनाले ज्यान गुमाएको घटनामा बाँच्न सफल तीन बालिकाको नाममा प्रशासनले बैंक खाता सञ्चालन गरिदिएको छ ।

घटनामा ५ जनाले ज्यान गुमाएका थिए भने एक बालिका बाँच्न सफल भएकी थिइन् । यस्तै २ जना बालिका भने साथीको घरमा गएका कारण बाँच्न सफल भएका थिए । घटनामा बाँचेका तीन बालबालिकालाई आर्थिक संकलन गर्नका लागि बैंकमा खाता खोलिएको प्रशासनले जनाएको छ ।

१३ वर्षीया कमला विक, ९ वर्षीया सुनिता विक र १० वर्षीया पुतला कामीको नाममा हजुरबुबा देवीराम कामी संरक्षक रहने गरी खाता सञ्चालनमा ल्याइएको प्रमुख जिल्ला अधिकारी कमलराज ढकालले बताउनुभयो ।

मुक्तिनाथ विकास बैंकमा खाता नम्बर ०४३२०७००३९३२६००००००१ रहनेगरीे सुनौलो बाल बचत खाता खोलिएको प्रमुख जिल्ला अधिकारी ढकालले जानकारी दिनुभयो ।

केही दिनअघि कर्णाली सरकारको तर्फबाट आर्थिक मामिला तथा योजना मन्त्री प्रकाश ज्वाला र भौतिक पूर्वाधार मन्त्री खड्ग बहादुर खत्रीले पीडित परिवारलाई प्रति मृतक ३० हजारका दरले १ लाख ५० हजार राहत हस्तान्तरण गर्नुभएको थियो ।

कर्णाली सरकारको तर्फबाट प्राप्त रकम पनि बालबालिकाको नाममा बैंकमा जम्मा गरिसकिएको ढकालले बताउनुभयो ।

पीडित बालिकाहरुलाई सहयोग स्वरुप अन्य सहयोगी दाताहरुले पनि राहत रकम जम्मा गर्न चाहेमा सो बैंकको खातामा जम्मा गर्न सकिने उहाँले बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्