सहकारीले खुवाएको तिजको दर खाँदा ३ सय जनाभन्दा बढी बिरामी

भदौ २३, २०७५ शनिबार १२:३४:० | कपिल कोइराला

काभ्रे – पाँचखाल नगरपालिका–१२ कासकोटको तीनघरे छेउमा सहकारीको तीजको दर खाँदा तीन सयजना भन्दा बढी बिरामी भएका छन् । ग्रामिण स्वावलम्बन बहुउद्देश्यीय सहकारी संस्थाले शुक्रबार दिउँसो आयोजना गरेको तीज विशेष कार्यक्रममा दर खाएकाहरु बिरामी परेका हुन् ।

घटनास्थलमा रहनुभएको पत्रकार इश्वरी राजकुमार मैनालीका अनुसार अहिलेसम्म ३०० जनाको उपचार गरिएको बताउनुभयो । उहाँका अनुसार घटनास्थल जनभावना प्राविमा स्थापना गरिएको स्वास्थ्य शिविर, पाँचखाल प्राथमिक स्वास्थ्य केन्द्र, धुलिखेल अस्पताल र शीर मेमोरीयल अस्पतालमा बिरामीको उपचार भैरहेको छ ।

पाँचखाल नगरका प्रमुख महेश खरेलको नेतृत्वमा जनप्रतिनिधिहरु बिहानैदेखि घटनास्थल गएर प्राथमिक स्वास्थ्य उपचार दिएको कारण बिरामीहरुले समयमा नै उपचार पाएका थिए । नगरका प्रमुख प्रशाशकीय अधिकृत भोला चापागाई काठमाडौंबाट औषधि लगेर उपचारमा संलग्न हुनुभएको थियो ।

जिल्ला प्रहरी कार्यालय काभ्रेका डीएसपी दिपक गिरी र पाँचखाल प्रहरी चौकीको टोली शनिबार बिहान घटनास्थल पुगेर बिरामीहरुलाई उपचारको लागि धुलिखेल पठाएका थिए ।

विशाक्त खानाका कारण बिरामी भएको अस्पतालले जनाएको छ । तर स्थानीयले त्यस क्षेत्रमा केराउ चनालगायतका गेडागुडीको सुरक्षाको लागि ‘एमोनियम सल्फेस’ नामक विषादीको ट्याब्लेट बोराको बीचमा राख्ने गरिएको र केराउ पानीमा भिजाउने क्रममा त्यो ट्याब्लेट पनि पानीमा ढाडिएर त्यही विषादीको कारण बिरामी भएको आशंका गरेका छन् ।

स्थानीयका अनुसार केराउको अचार नखाने स्थानीय भने बिरामी परेका छैनन् । १५ सय सदस्य रहेको सहकारीको दर कार्यक्रममा ५ सय जना सहभागी भएका थिए । पत्रकार मैनालीका अनुसार एकै घरका ७ जनासम्म बिरामी भएका छन् ।

– तस्बिर साैजन्य : इश्वरी राजकुमार मैनाली

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्