रुकुममा पहिलो पटक घरेलु हिंसाको मुद्दामा फैसला

मंसिर २४, २०७८ शुक्रबार १७:५५:५४ | राजु लामिछाने

रुकुम पश्चिम – महिला हिंसाविरुद्धकाे १६ दिने अभियान चलिरहेका बेला रुकुम पश्चिमकाे जिल्ला अदालतमा पहिलो पटक घरेलु हिंसाको मुद्दामा फैसला भएको छ । रुकुम पश्चिमकाे त्रिवेणी गाउँपालिका वडा नम्बर ७ का रामबहादुर खड्काविरुद्ध परेको घरेलु हिंसाको मुद्दामा फैसला भएको हो ।

गएकाे मङ्गलवार रुकुम जिल्ला अदालत मुसिकोटका न्यायाधीश विद्याराज पौडेलको इजलासले प्रतिवादी खड्कालाई पाँच हजार रुपैयाँ जरिबाना र एक लाख रुपैयाँकाे क्षतिपूर्तिको फैसला गरेको जिल्ला अदालतका स्रेस्तेदार कृतबहादुर बोहराले बताउनुभयो ।

स्रेस्तेदार बोहराका अनुसार खड्काविरुद्ध उहाँकी श्रीमती अमृता केसीले घरेलु हिंसा गरेको भन्दै मुद्दा दायर गर्नुभएको थियो ।

नेपाल बार एसाेसिएशन रुकुम पश्चिमका अध्यक्ष गणेश हमालले जिल्लामै घरेलु हिंसाको मुद्दामा पहिलो पटक फैसला भएको बताउनुभयो । अध्यक्ष हमालले विश्वभर महिला हिंसाविरुद्धको अभियान चलिरहेकै बेला जिल्ला अदालतबाट महत्त्वपूर्ण फैसला भएको बताउनुभयाे ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्