काठमाण्डाै -  प्रकाशमान सिंहको प्यानलबाट महामन्त्रीको उम्मेदवार बनेका कांग्रेस प्रवक्ता विश्वप्रकाश शर्माले सभापतिका उम्मेदवार शेरबहादुर देउवालाई समर्थन गर्ने हुनुभएको छ । 

उहाँले सामाजिक सञ्जाल ट्वीटरमार्फत आफू देउवालाई समर्थन गर्ने प्रकाशमान सिंहको निर्णयको पक्षमा रहेको बताउनु भएको हो । 

उहाँले नेता सिंहको नेतृत्वमा महामन्त्रीको उम्मेदवार भएकाले उहाँको समर्थनमा उभिनु आफ्नो कर्तव्य भएको बताउनु भएको छ । 

— Bishwa Prakash शर्मा (@bishwaprakash77) December 14, 2021

उहाँले लेख्नुभएको  छ ‘सर्वसम्मति सर्वोत्तम । दोस्रो चरणमा जानै पर्दा प्रस्ट्याउँदछु–नेता प्रकाशमान सिंहको नेतृत्वमा महामन्त्रीको उम्मेदवार भएकाले उहाँ उभिनु भएको ठाउँमा म उभिनुपर्छ । पराजित भए पनि उहाँलाई साथ दिनु मेरो कर्तव्य हो । सही निर्णय गर्न सक्ने उहाँको क्षमताप्रति म विश्वस्त छु ।’