भ्रष्टाचारमा संलग्न व्यक्तिलाई उन्मुक्ति दिइंदैन : मुख्यमन्त्री भट्ट

जेठ २०, २०७५ आइतबार १७:९:२९ | विमल बिष्ट

डोटी – प्रदेश–७ का मुख्यमन्त्री त्रिलोचन भट्टले भ्रष्टाचारमा संलग्न कुनै पनि व्यक्तिलाई सरकारले उन्मुक्ति नदिने बताउनु भएको छ ।

डोटीको दिपायलमा आइतबार प्रेस चौतारी नेपाल तथा प्रेस सेन्टर नेपालले संयुक्त रुपमा आयोजना गरेको पत्रकार सम्मेलनमा उहाँले यस्तो कुरा बताउनुभएको हो ।

बिगतमा जस्तो कृत्रिम योजना बनाउने अनि केही मान्छे मिलेर भ्रष्टाचार गर्ने कुरा प्रदेश सरकारले नसहने बताउँदै उहाँले भ्रष्टाचार गर्ने जो केहीलाई पनि कानुनी दायरामा ल्यायरै छोड्ने दाबी गर्नुभयो ।

कुनै पनि प्रकारको भ्रष्टाचार भएको छ भने मुख्यमन्त्री तथा मन्त्री परिषद्को कार्यालयमा रहेको टोल फ्रि नं. १६६०९१५२७२३ मा सिधै फोन गर्न आग्रह गर्दै उहाँले थप भन्नु भयो,–‘हामी भ्रष्टाचार विरुद्ध शून्य सहनशीलताको सिद्धान्त अंगीकार गर्छौ, फोन गर्नुहोस्, कारवाही हुन्छ ।’

त्यस्तै उहाँले स्थानीय तहका जनप्रतिनिधिहरु पनि भ्रष्टाचारमा संलग्न भएको भन्ने गुनासाहरु सुनिन लागेकोप्रति दुःख व्यक्त गर्दै प्रश्न गर्नुभयो,‘जनताको सेवा गर्छौं भनेर जनतासँग भोट मागेर आएकाहरुले समेत भ्रष्टाचार गर्न थालेपछि यो देशको अवस्था के होला ?’

पत्रकार सम्मेलनमा बोल्दै मुख्यमन्त्री भट्टले बिगतका जस्तो भनसुनका आधारमा कुनै पनि योजना नबनाइने दाबी गर्नु भएको छ । भट्टका अनुसार बिगतका दिनहरुमा प्रधानमन्त्री, मन्त्री, राजनीतिक दलका नेताहरु र कर्मचारीहरुलाई भनेपछि योजना पास हुने चलन थियो ।

उहाँले केही कर्मचारीहरुलाई संघीयता नपचेकाले उनीहरु जनप्रतिनिधिहरुलाई समेत अप्ठेरोमा पार्न खोजिरहेको आरोपसमेत लगाउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्