माओवादी केन्द्रको महाधिवेशन : आजदेखि ‘प्रचण्ड’ को राजनीतिक प्रतिवेदनमा छलफल हुँदै

पुष १३, २०७८ मंगलबार ७:१९:१९ | उज्यालो सहकर्मी

काठमाण्डाै - नेकपा माओवादी केन्द्रको महाधिवेशनमा आजदेखि अध्यक्ष पुष्पकमल दाहाल ‘प्रचण्ड’को राजनीतिक प्रतिवेदनमाथि छलफल सुरु हुँदैछ । बन्द सत्रले प्रतिवेदनमाथि छलफल गर्न विभिन्न २५ वटा समूह बनाएको छ । काठमाण्डौको प्रज्ञा भवनमा हिजो अध्यक्ष प्रचण्डले वैचारिक तथा राजनीतिक दस्ताबेज प्रस्तुत गर्नुभएको थियो ।

अध्यक्ष प्रचण्डले प्रस्तुत गर्नुभएको प्रतिवेदनमाथि छलफलका लागि गठन भएका समूहले विभिन्न ठाउँमा बसेर छलफल गर्दैछन् । समूह एकमा ज्येष्ठ कम्युनिस्ट मञ्च रहेको छ । यो समूहलाई प्रज्ञा भवन सभाको मुख्य भागमा छलफलको ठाउँ तोकिएको छ ।

समूह दुई र तीनमा पार्टीका सल्लाहकार रहेका छन् । यी समूहलाई छलफलका लागि प्रज्ञा भवनको मुख्य मञ्चको दायाँ–बायाँ तोकिएको छ । समूह चार र पाँचमा प्रदेश नम्बर एकका प्रतिनिधि छन् । यी दुई वटा समूहलाई प्रज्ञा भवन भानुभक्त हलमा छलफलको ठाउँ तोकिएको छ ।

समूह छ र सातमा प्रदेश नम्बर दुईका प्रतिनिधिहरू सहभागी छन् । यी समूहले प्रज्ञा भवनको पारिजात हलमा छलफल गर्दैछन् । समूह आठ र नौमा लुम्बीनी प्रदेशका प्रतिनिधिले प्रज्ञा भवनको सिद्धिचरण हलमा छलफल गर्ने तय भएको छ ।

समूह १० र ११ मा गण्डकी प्रदेशका प्रतिनिधि समेटिएका छन् । यी समूहको छलफल गर्ने ठाउँ पार्टी केन्द्रीय कार्यालय पेरिसडाँडा रहेको अध्यक्षमण्डलका अध्यक्ष कृष्णबहादुर महराले जानकारी दिनुभयो ।

समूह १२ मा प्रवास प्रदेशका प्रतिनिधि छन् । उनीहरुले पनि पार्टी कार्यालय पेरिसडाँडामा छलफल गर्नेछन् ।

समूह १३ र १४ मा रहेका कर्णाली प्रदेशका प्रतिनिधि तथा समूह १५ र १६ मा सुदूरपश्चिम प्रदेशका प्रतिनिधि समेटिएका छन् । उनीहरुले काठमाण्डौको एउटा पार्टी प्यालेसमा छलफल गर्दैछन् ।

समूह १७ र १८ मा सम्पूर्ण विभागका प्रतिनिधि अटाएका छन् । समूह १९ मा उपत्यका विशेष प्रदेशका प्रतिनिधि छन् । उनीहरुले बुद्धनगरमा छलफल गर्नेछन् । समूह २० र २१ मा सम्पर्क समन्वय प्रदेशका प्रतिनिधि छन् । उनीहरुको छलफलका लागि बिजुली बजारमा व्यवस्था गरिएको छ ।

समूह २२ र २३ मा वाग्मती प्रदेशका प्रतिनिधि छन् । समूह २४ मा आयोगका सदस्यहरू छन् । समूह २५ मा जनवर्गीय सङ्गठन र मोर्चाका इञ्चार्ज र अध्यक्षहरू, केन्द्रीय कार्यालय, एकताबाट आएका प्रतिनिधिहरू सहभागी छन् । उनीहरुले थापागाउँमा छलफल थाल्ने तयारी छ ।

आज दिनभर समूहगत छलफलमा केन्द्रित हुनेछ । भोलि बिहान ११ बजेदेखि समूहका प्रमुखले समूहगत छलफलको निष्कर्ष प्रस्तुत गर्ने कार्यक्रम तय गरिएको माओवादी केन्द्रले जनाएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

माओवादी केन्द्रको महाधिवेशन : आजदेखि ‘प्रचण्ड’ को राजनीतिक प्रतिवेदनमा छलफल हुँदै

फाइल तस्बिर

तपाईको प्रतिक्रिया