रसुवागढी नाकाबाट दुई वर्षदेखि विदेशी पर्यटकको आगमन ठप्प

पुष २४, २०७८ शनिबार ९:२९:२२ | उज्यालो सहकर्मी

रसुवा - चीनसँगको अन्तर्राष्ट्रिय व्यापारिक नाका रसुवाको रसुवागढीबाट दुई वर्षदेखि पर्यटक आगमन ठप्प रहेको छ ।

कोरोना भाइरस सङ्क्रमण जोखिमपछि रसुवागढीबाट चिनियाँ तथा विदेशी पर्यटक आगमन ठप्प भएको हो । नाकाबाट मानिसको आवतजावतमा रोक लगाइएको छ । सन् २०२० पछि नाकाबाट पर्यटकको आगमन नभएको अध्यागमन अधिकृत एकनारायण भण्डारीले बताउनुभयो ।

‘२०२० जनवरीपछि नाकाबाट पर्यटक आएका छैनन्’, उहाँले भन्नुभयो, ‘नाकाबाट मानिसको आवतजावत खुला गरेपछि मात्र पर्यटक आउने क्रम सुरु हुनेछ ।’

रसुवागढी अध्यामगन कार्यालयको तथ्याङ्क अनुसार सन् २०१५ मा १० हजार ६ सय ४९, सन् २०१६ मा १७ हजार ८२, सन् २०१७ मा १९ हजार ४७८, सन् २०१८ मा २९ हजार १ सय ५४ र सन् २०१९ मा ३१ हजार १ सय ३५ पर्यटक नेपाल भित्रिएका थिए ।

सन् २०१५ मा चिनियाँ पर्यटक मात्र आएका थिए । २०१५ अप्रिलदेखि नाकाबाट चिनियाँ तथा विदेशी पर्यटक आउने क्रम सुरु भएको थियो । त्यो महिना २ सय ९१ पर्यटक आएका थिए । त्यसयता पर्यटकको आगमन निरन्तर बढ्दै गएको थियो । सन् २०१६ मा चीनले अन्तर्राष्ट्रिय नाका घोषणा गरेपछि तेस्रो देशका पर्यटक पनि आउन थालेका थिए ।

रसुवागढी नाका हुँदै आएका पर्यटक सिधै काठमाण्डौ, पोखरा तथा लुम्बिनी जाने गर्थे । नाकाबाट आउने पर्यटकमध्ये झण्डै ६० देखि ७० प्रतिशत हिस्सा चिनियाँ पर्यटकले ओगटेका थिए । चीन, सार्क देश अफगानिस्तानबाहेक अन्य देश र १० वर्षमुनिका बालबालिकाले ग्रेटिस भिसा पाउँछन् ।

कार्यालयको तथ्याङ्क अनुसार कोभिड–१९ सुरु हुनुपूर्व ५२ वटा देशका पर्यटक रसुवागढी नाका हुँदै नेपाल भित्रिएका थिए । जसमा चीन, अमेरिका, स्लोभाकिया, बेलायत, नेदरल्यान्ड जर्मनी, इटली, फ्रान्स र अष्ट्रेलियाका नागरिकको सङ्ख्या बढी थियो । नाकाबाट विदेशी पर्यटक भित्रिँदा नेपाल तथा चीनका व्यवसायीलाई फाइदा पुग्ने गरेको थियो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्