नेपाल र वेस्ट इन्डिज ‘ए’ बीचको टी–२० क्रिकेट श्रृङ्खला आजदेखि
बैशाख १५, २०८१ शनिबार
दाङ - दाङमा यात्रुवाहक बस दुर्घटना हुँदा ९ महिने शिशुको ज्यान गएको छ । दुर्घटनामा ९ जना घाइते भएका छन्।
बस दुर्घटनामा भारतकाे मोतीहारी जिल्लाका असिर आलमका छोरा नानु आलमकाे ज्यान गएकाे हाे ।
आज बिहान पूर्व पश्चिम राजमार्ग अन्तर्गत लमही–भालुवाङ सडक खण्डको राप्ती गाउँपालिका-५ सिसहनियाँमा रहेकाे दालाई खोला नजिक वीरगञ्जबाट सुर्खेत जाँदै गरेको ना ५ ख २०६ नम्बरको यात्रुवाहक बस दुर्घटना भएको हो ।
दुर्घटनामा गम्भीर घाइते भएका शिशुको उपचारका लागि कोहलपुर लैजाँदै गर्दा बाटोमा नै ज्यान गएकाे प्रहरीले जनाएकाे छ ।
घाइते सबैलाई लमही अस्पतालमा उपचारपछि डिस्चार्ज गरिएकाे प्रहरीले जनाएकाे छ । बसमा २० जना यात्रु रहेका थिए। बस अनियन्त्रित भएर २० मिटर तल पुगेकाे प्रहरीले जनाएकाे छ।
बसका चालकलाई प्रहरीले नियन्त्रणमा लिएकाे छ ।