साेलुखुम्बुमा पत्रकारमाथि हातपात गर्ने तीनै जना कांग्रेस कार्यकर्ता पक्राउ परे

पुष २९, २०७८ बिहीबार १८:३:३ | उज्यालो सहकर्मी

साेलुखुम्बु – सोलुखुम्बुमा समाचार सङ्कलनमा खटिएका पत्रकारमाथि हातपात गर्ने तीन जना कांग्रेस कार्यकता पक्राउ परेका छन् ।

गएकाे मङ्सिर १४ गते सोलुखुम्बु कांग्रेस अधिवेशनको समाचार सङ्कलनमा खटिएका पत्रकारहरूलाई हातपात गर्ने तीन युवा पक्राउ परेका प्रहरीले जनाएको छ । पक्राउ पर्नेमा नेविसङ्घ सोलुखुम्बुका उपाध्यक्ष जीवन बस्नेत, कांग्रेसका क्षेत्रीय प्रतिनिधि प्रदीप बस्नेत र नेविसङ्घ माप्यदूधकोसी अध्यक्ष विभूषण राई रहेका छन् ।

उनीहरूले समाचार सङ्कलनमा खटिएका सुवास दर्नाल (उज्यालो सोलुखुम्बु सहकर्मी) र रमन बनमाथि हातपात गरेका थिए । उनीहरूविरुद्ध पीडित पत्रकारद्वारा अभद्र व्यवहारअन्तर्गत मुद्दा दायर गरेका थिए ।

घटनालगत्तै तीनै जना फरार भएका थिए । तर हिजाे बुधवार जीवन बस्नेत माप्यदूधकोसी गाउँपालिका ४ मा रहेकाे आफ्नै घरबाटै पक्राउ परेपछि अरू दुई जना पनि आज बिहीवार सम्पर्कमा आएका जिल्ला प्रहरी कार्यालय सोलुखुम्बुले जनाएको छ । पक्राउ परेका तीनै जना अहिले प्रहरीको हिरासतमा रहेका छन् ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्