एसिया कप क्रिकेट सुरु हुनुभन्दा पहिले श्रीलंकाली क्रिकेट टिमलाई झट्का लागेको छ । 

श्रीलंकाले एसिया कपमा आफ्ना स्टार खेलाडी तथा टिमका कप्तान दिनेश चाण्डीमललाई गुमाउने भएको छ । सोमबार आईसीसीले आफ्नो आधिकारिक ट्विटर ह्याण्डलमाफर्त दिनेश चाण्डीमल एसिया कपमा नखेल्ने जानकारी दिएको हो ।

BREAKING: @chandi_17 has been ruled out of Sri Lanka's squad for the Asia Cup, needing more time to recover from a finger injury.

Niroshan Dickwella has been called up as his replacement.

➡️ https://t.co/dwnDTGA1CQ pic.twitter.com/E5rVFM1oPU

— ICC (@ICC) 10 September 2018

श्रीलंकाले अब चाण्डीमलको ठाउँमा विकेटकीपर ब्याट्सम्यान निरोशन डिकवेलालाई टिममा समावेश गरेको छ । चाण्डीमल श्रीलंका टी–२० लिग खेल्ने क्रममा औँलामा चोट लागेको थियो । उनलाई अझै केही समय आराम गर्नुपर्ने भएकाले एसिया कपबाट बाहिर राखिएको हो । 

एसिया कप २०१८ सेप्टेम्बर १५ देखि यूएईमा सुरु हुनेछ । प्रतियोगिताको पहिलो खेल श्रीलंका र बंगलादेशबीच हुनेछ ।

एसिया कपका लागि श्रीलंकाली टिम 

एन्जेलो म्याथ्यूज –कप्तान), कुशल परेरा, कुशल मेन्डिस, उपुल थरंगा, निरोशन डिकवेला, दानुष्का गुनातिलका, थिसारा परेरा, दसुन शानका, धनञ्जया डी सिल्वा, अकिला धनञ्जया, दिलरुवान परेरा, अमिला अपोंसो, कसुन रजिता, सुरंगा लकमल, दुष्मांथा चमेरा र लसिथ मलिंगा