‘गाडीमा तेल हाल्न’ हतियारसहित बर्दियाकाे गुलरिया आए भारतीय प्रहरी

 माघ २०, २०७८ बिहीबार २०:२९:४६ | उज्यालो सहकर्मी
unn.prixa.net

बर्दिया – गाडीमा तेल हाल्न भन्दै बर्दियाको सदरमुकाम गुलरियामा हतियारसहित भारतीय प्रहरी प्रवेश गरेका छन् । नेपाल–भारत सीमामा पर्ने उत्तर प्रदेश बहराइच मुर्तिहा नाकाबाट भारतीय कोतवाली प्रहरीसहितको टोली गाडीमा तेल हाल्न भन्दै बर्दियाको सदरमुकाम गुलरिया प्रवेश गरेका हुन् ।

भारतीय प्रहरीका दरोगा (उपरीक्षक) भारतीय प्रहरी पोसाकमा पेस्ताेलसहित अनधिकृत रूपमा आज बिहीवार बेलुकी ६ बजेतिर सदरमुकाम गुलरिया प्रवेश गरेका जनाइएको छ । यूपी ५३ डीके ७४०६ नम्बरको प्रहरीको गाडीमा आएका टाेलीले बर्दिया गुलरियाको एक पेट्रोल पम्पमा पुगी गाडीमा पेट्रोल भरेर फर्किएको स्थानीयवासीले बताएका छन् ।

भारतीय प्रहरी पोसाकमा ज्याकेट लगाएर उनीहरू गुलरिया नजिक मुर्तिहा नाकाबाट नेपाल प्रवेश गरेका हुन् । ड्युटीमा रहेका भारतीय प्रहरी गाडीमा तेल हाल्ने प्रयोजनका लागि गुलरिया आएको भन्ने खुलेको बर्दियाका प्रहरी उपरीक्षक (एसपी) ईश्वर कार्कीले बताउनुभयाे ।

सशस्त्र प्रहरी उपरीक्षक जहरसिंह बुढाका अनुसार सीमामा बसेका सुरक्षाकर्मीहरूसँग उनीहरूले ड्युटीमा रहेका बेला गाडीमा तेल सकिएपछि तेल हाल्न बर्दियाको सदरमुकाम गुलरिया जान लागेको बताएका थिए । 

सीमामा तैनाथ सशस्त्र प्रहरी र नेपाल प्रहरीको पोस्ट छिचोल्दै नेपालभित्र प्रवेश गर्दा उनीहरूलाई जाँच नगरि प्रवेश गर्न दिएकोमा स्थानीयवासी आक्रोशित भएका छन् । 

सीमा नाकामा तैनाथ सशस्त्र प्रहरी पोस्टका सुरक्षाकर्मीसँग जानकारी लिने काम भइरहेको प्रहरीले जनाएकाे छ । बेला–बेला भारतीय प्रहरी हतियारसहित बर्दियाको सदरमुकाम गुलरिया प्रवेश गर्ने गरेका घटना बाहिरिएका छन् । 

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • somprasad tharu

    Feb. 4, 2022, 9:45 a.m.

    यो चाहिं भएन ....अरु देशवाट आउनेलाई चेक नगर्ने, खुरुखुरु आउन दिने ..कहाँ सम्मको लापरवाही हो नेपाली सुरक्षाकर्मीको ....यो त लाजमर्दो बिषय भएन र ....

  •  0 Reply

तपाईको प्रतिक्रिया

समाचार

लोकप्रिय

१

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

हङकङलाई २ सय २६ रनले हराउँदै नेपालले एक खेलअघि नै जित्याे एकदिवसीय शृङ्खला

४

सहकारी ठगी : लेखा समिति सभापतिकी पत्नी अञ्जला कोइरालासहित २५ जनाविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई