संसद्ले जेसुकै गराेस्, सभामुखले एमसीसी राेक्न पाउँदैनन् : अध्यक्ष ओली

माघ २८, २०७८ शुक्रबार १४:४३:२२ | उज्यालो सहकर्मी

काठमाण्डाै – नेकपा एमालेका अध्यक्ष केपी शर्मा ओलीले सरकारले निर्णय गरेर संसदमा पेस गर्न लागेको अमेरिकी सहयाेग परियाेजना मिलेनियम च्यालेन्ज कर्पाेरेशन (एमसीसी) लाई सभामुखले रोक्न नपाउने बताउनुभएकाे छ । आज शुक्रवार स्थानीय तहको चुनावबारे एमालेले आयोजना गरेको प्रशिक्षण र अभिमुखीकरण कार्यक्रममा उहाँले यस्ताे बताउनुभएकाे हाे ।

अघिल्लो सभामुख र अहिलेको सभामुख दुवैले अनधिकृत काम गरेको ओलीले बताउनुभयो । संसदले जेसुकै गरे पनि सभामुखले एमसीसी संसदमा पेस गर्नुपर्ने एमाले अध्यक्ष ओलीकाे भनाइ छ ।

सत्ता गठबन्धन नै एमसीसीबारे एकमत नहुनु समस्या भएको ओलीकाे भनाइ छ । सत्ता गठबन्धनले अमेरिकासँग एमसीसी पारित गर्न समय माग्ने अनि यता नागरिकलाई पारित गर्न हुन्न भनेर उचाल्ने दुई किसिमको चरित्र भएको अध्यक्ष ओलीकाे भनाइ छ ।

प्रधानमन्त्री स्वयम् र एउटा पार्टीको अध्यक्षले एमसीसीलाई पत्र लेख्नु कुटनीतिक व्यवहार विपरीत भएको उहाँले बताउनुभयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

संसद्ले जेसुकै गराेस्, सभामुखले एमसीसी राेक्न पाउँदैनन् : अध्यक्ष ओली

फाइल फाेटाे

तपाईको प्रतिक्रिया