ग्लोबल आईएमई बैंकका ग्राहकलाई समाज डेन्टल अस्पतालमा विशेष छुट
मंसिर ९, २०८१ आइतबार
परदेशमा अरुकाे ‘अन्डर’ मा काम गर्नुभन्दा स्वदेशमा उद्यम गरी आफैँ ‘मालिक’ बन्नु बेस
लमजुङ - धन कमाएर जीवनस्तर उकास्ने आशामा विदेशतर्फ पाइलाहरु मोडिए, अनिष तामाङको । उहाँकाे पाँच वर्ष खाडीमै बिते । मलेसियामा तीन वर्ष र कतारमा दुई वर्ष उहाँले श्रम–पसिना बगाउनुभयो । परदेशको ठाउँ । कमाइ राम्रै भए तापनि दुःख ज्यादा । हरपल, हरक्षण गाउँघर, घर– परिवारको मायाले सताइरह्यो ।
विदेशमा अरुको ‘अण्डर’ मा बसी अरुकै ‘अर्डर’मा काम गर्नुपर्ने । दुःख गर्नुपर्ने । खाडीमै रहँदा परदेशमा बगाउने पसिना देशकै माटोमा बगाउन सके, स्वदेशमै बसी राम्रो कमाउन सकिने आशा उहाँको मनमा पलायो । विदेशको भूमिमा छँदै, ‘गाउँ फर्की केही कृषि उद्यम गर्ने’ सपना बन्नुभयो, लमजुङ राइनास नगरपालिका–५, तीनपिप्लेका अनिष तामाङले ।
त्यसपछि, विदेश छाडी स्वदेशमै कृषि उद्यम गर्ने सपनालाई पछ्याउँदै उहाँ आफ्नै गाउँ फिर्ती हुनुभयो । ‘पाँच वर्ष विदेशमै बिताइयो,’ उहाँले भन्नुभयो, ‘अरुको देशमा कति बस्नु, दुःख गर्नु भनेर श्रम, पसिना गाउँघरमै बगाउन परदेशको जागिर छोडी घर आइयो ।’
‘फापेन’ कुखुरा पालन : लगत्तै सुरु भयो बङ्गुर पालन
गाउँ आएसँगै उहाँले परिवारकै सल्लाहमा लमजुङ र गोरखाको सिमानामा पर्ने चेपेखोलामा रहेकाे बेलाउँते फाँटमा एक हजार कुखुरा अट्ने क्षमताको खोर बनाइ त्यही सङ्ख्यामा ब्रोइलर कुखुरा पनि पाल्नुभयो ।
सुरुमै थालनी गरिएकै व्यवसायबाट राम्रो आम्दानी भने हुन सकेन । तर हार भने मान्नुभएन, उहाँले । ‘विदेशबाट फर्की गाउँघरमै केही गरौँ भनी कुखुरा त पालियो । तर राम्रो आम्दानी भएन,’ उहाँले भन्नुभयो।
कुखुरा पालनबाट आशा गरिए अनुरुप आम्दानी नभएपछि उहाँले बङ्गुर पालन गर्ने योजना बनाउनुभयो । साथीभाइले पनि बङ्गुर पालन गर्न उहाँलाई उक्साए । बङ्गुर पालनसम्बन्धी उहाँलाई कुनै ज्ञान, सिप नै थिएन । बङ्गुर पालन गरिरहेका, बङ्गुर पालनका विषयमा जाने–बुझेकासँग उहाँले यस व्यवसायका बारेमा जानकारी लिनुभयो । व्यवस्थित बङ्गुर फर्मको प्रत्यक्ष अवलोकन पनि गर्नुभयो, अनिषले ।
दुःख गर्न सके थोरै समयमा, उच्च प्रतिफल लिन सकिने व्यवसाय लाग्यो उहाँलाई, बङ्गुर पालन व्यवसाय । त्यसपछि, उहाँको मन बङ्गुर पालन व्यवसायमा तानियो । लगत्तै उहाँले बेलाउँते फाँटमै बङ्गुरको व्यवस्थित खोर बनाइ दश वटा बङ्गुरबाट व्यवसायको थालनी गर्नुभयो । ‘खोर निर्माण, बङ्गुर खरिदमा गरी सुरुमै छ लाख लगानी भयो,’ उहाँले भन्नुभयो । गएकाे वर्षबाट उहाँले बङ्गुर पाल्न सुरु गर्नुभएको हो ।
३५ लाख रुपैयाँभन्दा बढी लगानी
अहिले उहाँको बङ्गुर फर्ममा साना ठूला गरी पचास वटा बङ्गुर छन् । फर्ममा अहिलेसम्म ३५ लाख रुपैयाँभन्दा बढी लगानी भइसकेको छ । ‘सुरुको वर्ष भएकाले पनि लगानी बढ्दो छ । ३५ लाखभन्दा बढी त लगानी भइसक्यो,’ उहाँले भन्नुभयो, ‘बिस्तारै उत्पादन हुन थालेको छ । अब राम्रो आम्दानी हुने विश्वास छ ।’
उहाँले मासु बिक्रीका लागि भन्दा पनि बङ्गुरका पाठापाठी उत्पादन गरी बिक्री गर्ने लक्ष्य लिनुभएको छ । उहाँका अनुसार मासुमा भन्दा पनि पाठापाठी बिक्री गर्दा किसानलाई फाइदा हुन्छ । ‘त्यसैले मासुमा भन्दा पनि पाठापाठी उत्पादन गरी बिक्री गर्ने योजना छ,’ उहाँले थप्नुभयो ।
बङ्गुर पालक किसान तामाङका अनुसार एक वर्षमा बङ्गुर तीन पटक ब्याउँछ । ४५ दिनमा बङ्गुरको पाठापाठी बिक्रीका लागि तयार हुन्छन् ।
‘फर्मबाट बिस्तारै उत्पादन सुरु हुन थालेको छ । फर्ममा छ वटा माउ बङ्गुर रहेको छ । उत्पादित बङ्गुरको पाठापाठी बिक्रीबाट पहिलो चरणमै साढे तीन लाख हाराहारीमा आम्दानी हुने आशा छ,’ उहाँले भन्नुभयो। उत्पादन घरगाउँमै बिक्री हुनेमा उहाँ ढुक्क हुनुहुन्छ ।
बिस्तारै माउ बङ्गुरको सङ्ख्या बढाउँदै लैजाने, धेरै मात्रामा बङ्गुरका पाठापाठी उत्पादन गरी बिक्री गर्ने उहाँको सोच छ । उहाँले बङ्गुरका लागि स्थानीयस्तरमै उपलब्ध धान, मकै, भटमास पिसेर दाना बनाइ आहारा व्यवस्थापन गर्नुभएको छ । फर्म वरपर रहेका मेवा, फर्सी पनि बङ्गुरको आहारामा उपयोग हुँदै आएको छ । फर्ममा केही मात्रामा चोकर पनि खरिद हुने गरेको छ ।
घाम उदायदेखि अस्ताएसम्म उहाँ बङ्गुरकै रेखदेखमा खटिनुहुन्छ । फर्ममा दुई जनाले प्रत्यक्ष रोजगारी पाएका छन् । दश रोपनी जग्गामा फैलिएको फर्ममा हाँस, टर्की पनि पालिएका छन् । बङ्गुर फर्म सरसफाइका लागि चेपेखोलाको पानी मोटरले तानी फर्मसम्म ल्याइएको छ । बिस्तारै एक सय पचास हाराहारीमा बङ्गुर पाल्ने सोच रहेको उहाँले बताउनुभयो ।
व्यवस्थित र व्यावसायिक रुपमा बङ्गुर पाल्दा फाइदा
बङ्गुर पालन गर्दा व्यवस्थित खोर बनाउनुपर्ने, उन्नत जातका बङ्गुर पाल्नुपर्ने, सरसफाइ, उचित आहारा व्यवस्थापनमा ध्यान दिनुका साथै बङ्गुरमा निमोनिया, ज्वरो, खोरेत लगायतका स्वास्थ्य समस्या देखिन सक्ने भएकाले यसमा पनि उतिक्कै ध्यान दिनु जरुरी हुने किसान तामाङ सुझाउनुहुन्छ ।
उहाँका अनुसार यी कुराहरुमा ध्यान दिइ व्यवस्थित र व्यावसायिक रुपमा बङ्गुर पाल्न सके राम्रो आर्जन हुन्छ । उहाँका अनुसार परदेशमा दुःख ज्यादा हुन्छ । ‘परदेशमा गाह्रो छ नि । अरुको ‘अण्डर’ मा बसी अरुकै ‘अर्डर’मा काम गर्नुपर्छ, त्यो भन्दा त स्वदेशमै आफैँ मालिक भइ काम गर्नु जाती !’ उहाँले भन्नुभयो ।
‘विदेशमा आर्जित सिप र विदेश जाने पैसा यहीँको उद्यममा खर्चिऔँ’
अहिले पनि छाना, माना र नानाका लागि विदेश भासिनेको सङ्ख्यामा कमी आएको छैन । श्रम–पसिना बगाउन सके यहीँ उद्यम गरी जीवन चलाउन सकिन्छ ।
‘विदेशमा सिकेको ज्ञान, सिप गाउँमै फर्की यतैको माटोमा खर्चन सके, ब्याजमा ऋण खोजी परदेश जाने पैसा गाउँघरकै कृषि उद्यममा लगाउन सके, दत्तचित्त भइ निरन्तर रुपमा कृषि उद्यममा जुट्न सके यहीँ राम्रो कमाइ जीवनस्तर उकास्न सकिन्छ,’ विदेश पसेका, परदेश जान खोजेका युवाहरुप्रति लक्षित गर्दै उहाँले भन्नुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
श्यामशितल परियार
श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।
1 Comments
समाचार
-
-
ब्राजिलका पूर्वराष्ट्रपति बोल्सोनारो र अन्य ३६ जनाविरुद्ध अभियोग...
मंसिर ९, २०८१ आइतबार
-
मृत्युपछि अङ्गदान गर्ने दाताका परिवारलाई २ लाख रुपैयाँ दिने ...
मंसिर ९, २०८१ आइतबार
-
एमालेले काठमाण्डौ महानगरको जरीवाना पत्र बुझ्न मानेन, मेयर शा...
मंसिर ९, २०८१ आइतबार
-
कांग्रेसकाे केन्द्रीय कोषाध्यक्षमा उमेश श्रेष्ठ मनोनीत
मंसिर ९, २०८१ आइतबार
-
अस्ट्रेलियाका लागि नेपाली राजदूतमा चित्रलेखा यादव नियुक्त
मंसिर ९, २०८१ आइतबार
-
उपचुनावमा सेना परिचालन गर्न राष्ट्रपतिकाे स्वीकृति
मंसिर ९, २०८१ आइतबार
-
दुर्गा प्रसाईंलाई अदालतमा उपस्थित गराउन सर्वोच्चको आदेश
मंसिर ९, २०८१ आइतबार
-
निराशाजनक 'कोप–२९' मा नेपालका लागि केही आशा
मंसिर ९, २०८१ आइतबार
-
श्रेयस अय्यरकाे रेकर्ड ताेडियाे, लखनउले ऋषभ पन्तलाई २७ कराेड ...
मंसिर ९, २०८१ आइतबार
-
आईपीएल इतिहासकै महँगा खेलाडी बने श्रेयस अय्यर, २६ कराेड ७५ ...
मंसिर ९, २०८१ आइतबार
-
भारतले अस्ट्रेलियालाई दियाे ५ सय ३४ रनकाे लक्ष्य, टेस्ट क्रिकेट...
मंसिर ९, २०८१ आइतबार
-
शेयर बजार १३ अङ्कले घट्यो, कारोबार रकममा पनि कमी
मंसिर ९, २०८१ आइतबार
-
रवि लामिछानेलाई थप १५ दिन हिरासतमा राख्न अदालतकाे अनुमति
मंसिर ९, २०८१ आइतबार
विचार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Janata
Feb. 15, 2022, 10:33 a.m.उद्यमीलाई सलाम । नेपालमा यस्ता उद्यमीले न त सहुलियत कर्जा पाउँछन् नत सरकारी अनुदान पाउँछन् । कि त यिनी कुनै नेताको पछि लाग्नु पर्छ वा आकर्षक कागजी योजना बनाउन सक्नु पर्छ वा घुसको सेटिंग मिलाउनु पर्दछ । कर्मशील हातको सम्मान गर्ने संस्कारको विकास नभए सम्म साना उद्यमीहरुमा हौसला आउँदैन र छिट्टै पलायन तर्फ जाने जोखिम रहन्छ ।