आउँदाे पाँच वर्षमा सडकदेखि बिजुलीसम्म उल्लेख्य सुधार हुनेछ : योजना आयोगका उपाध्यक्ष पौडेल

फागुन ५, २०७८ बिहीबार ७:४८:२८ | उज्यालो सहकर्मी

राष्ट्रिय योजना आयोगका उपाध्यक्ष डा.विश्वनाथ पौडेलले आउँदाे ५ वर्षमा सडकदेखि बिजुलीसम्म पूर्वाधारका क्षेत्रमा उल्लेख्य सुधार हुने बताउनुभएको छ ।

काठमाण्डौ–निजगढ फास्ट ट्र्याकमा २०८१ साल पुषसम्ममा टनेल बनिसक्ने र यसका लागि सरकारले आर्थिक समस्या नहुने विश्वास दिलाएकाले केही वर्षमै सम्पन्न हुने दिशामा रहेको उहाँको भनाइ छ ।

विकास निर्माणमा पाँच वर्षपछिको नेपालबारे सामाजिक सञ्जालमा उपाध्यक्ष पौडेलले सडक विभागले नारायणगढ–पथलैया सडक विस्तारको तयारी गरेको, इनरुवादेखि काँकडभिट्टा खण्डको सडक चौडा गर्न लागिएको र त्यसमा एक सय किलोमिटर प्रतिघण्टाका दरले मोटर गुडाउन मिल्ने गरी बनाउन प्राविधिकलाई सल्लाह दिएको उल्लेख गर्नुभएको छ ।

उहाँका अनुसार पूर्व-पश्चिम राजमार्गको कमला–कञ्चनपुरको सप्तरी खण्डमा सडक चौडा पार्ने काम सुरु भएको छ । यस्तै बुटवल–नारायणघाट खण्ड सडक विस्तार अबको साढे दुई वर्षमा सक्ने, काठमाण्डौ–पोखरा खण्ड चार लेनका रुपमा विकास हुँदै गरेको पनि उहाँले बताउनुभएको छ ।

नवलपरासी दाउन्नेमा टनेल मार्ग बन्ने पनि निश्चित रहेको र यी सडक विस्तारपछि यात्राको दूरी छोट्टिने उहाँले बताउनु भयाे। अघिल्लो सरकारले ध्यान पुर्याउन सकेको भए जापानले अहिले भक्तपुरको सूर्य विनायकदेखि धुलिखेल खण्ड द्रुतमार्गका रूपमा विकसित गर्ने काम हुन्थ्यो तर केही गल्ती भएको उहाँको टिप्पणी छ।

अघिल्लो सरकारले गरेको गल्तीलाई सुधारेर फेरि ट्र्याकमा ल्याउन मेहनत भइरहेको उपाध्यक्ष पौडेलले बताउनुभयो । वीपी राजमार्गको खुर्कोटबाट सुरुङ मार्ग बनाउनेबारे छलफल भइरहेको उहाँले जानकारी दिनुभयो। उहाँका अनुसार अबको दुई/तीन वर्षभित्र नेपालका सबै घरधुरीमा बिजुली पुग्नेछ।

बिजुली पुग्न बाँकी झण्डै तीन लाख घर रहेको अनुमान छ । उहाँले विदेशमा रहेका, शिल्प भएका र व्यवसाय गर्ने जोस भएका, नेपालीलाई नेपाल फर्कन र सके व्यवसाय सुरु गर्न आग्रह पनि गर्नुभएको छ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आउँदाे पाँच वर्षमा सडकदेखि बिजुलीसम्म उल्लेख्य सुधार हुनेछ : योजना आयोगका उपाध्यक्ष पौडेल

फाइल तस्बिर

तपाईको प्रतिक्रिया