प्रदेश ७ का १२ सांसदले बुझाएनन् सम्पत्ति विवरण

भदौ २८, २०७५ बिहीबार १०:३१:२८ | विमल बिष्ट

डोटी – प्रदेश ७ का ३३ जना प्रदेश सांसदहरुले सम्पत्ति विवरण बुझाएका छन् । तर १२ जना सांसदहरुले भने अहिलेसम्म सम्पत्ति विवरण बुझाएका छैनन् । प्रत्यक्ष र समानुपातिक गरी ५३ प्रदेशसभा सदस्यमध्ये ७ जना मन्त्री र एकजना सभामुख छन् ।

७ जना मन्त्रीहरुले सम्पत्ति विवरण बुझाइसके पनि प्रदेशसभा सदस्यहरुले भने अहिलेसम्म सम्पत्ति विवरण बुझाएका छैनन् । प्रदेश ७ मा रहेका ४५ जना प्रदेशसभा सदस्यमध्ये अहिलेसम्म ३३ जनाले सम्पत्ति विवरण बुझाएको प्रदेशसभा सचिवालयका सचिव बलराम शर्माले जानकारी दिनुभयो ।

उहाँले संघीय सरकारकै नियम अनुसार प्रदेशका कर्मचारी तथा सांसदहरुले सरकारलाई आफ्नो सम्पत्ति विवरण बुझाउनु पर्ने प्रावधान रहेकाले सम्पत्ति विवरण माग गरेको बताउनु भयो । तोकिएको म्याद सकिन अब २ दिन बाँकी रहँदा १२ जना प्रदेशसभा सदस्यले विवरण नबुझाएको उहाँले जानकारी दिनुभयो ।

तोकिएको समय सीमा भित्र सांसद तथा अन्य कर्मचारीले सम्पति विवरण नबुझाएमा ५ हजार रुपयाँसम्म जरिवाना लगाइने प्रावधान रहेको प्रदेशसभा सचिवालयका सचिव शर्माले बताउनुभयो । ‘प्रदेशसभा सदस्यहरुलाई सम्पत्ति विवरण बुझाउन पटक/पटक जानकारी गराइएका छौ १२ जनाले बुझाउनु भएको छैन, उहाँले भन्नुभयो ‘समय भित्र नबुझाए कानुन अनुसारको प्रक्रिया थाल्ने छौ ।’

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्