उच्च अदालत विराटनगरद्वारा डीएसपी राउतलाई थुनामा राख्न आदेश

भदौ २८, २०७५ बिहीबार १९:१५:३२ | सुमन तिमल्सिना

मोरङ – उर्लाबारीका सनम शाक्यको हत्या र ३३ किलो सुन काण्डमा संलग्न रहेको आरोपमा पुर्पक्षको लागि जेल चलान भएका प्रहरी अधिकृतहरुको सुनुवाइ सुरु भएको छ ।

उच्च अदालत विराटनगरले सुन तस्करी तथा सनम शाक्यको हत्याको सम्बन्धमा मुलुकी ऐन अ.बं.१७ नम्बर प्रयोग गर्दै निवेदन निएका प्रहरी अधिकृतहरुको सुनुवाइ सुरु गरेको हो । यसअघि जिल्ला अदालत मोरङबाट सफाई पाएका एकजना प्रहरी हवल्दार र धरौटीमा छुटेका निलम्बित एसएसपी श्याम खत्रीका चालकलाई पुर्पक्षको लागि जेल हाल्ने निर्णय बाहेकका सबै निवेदन उपर सुनुवाइ हुँदैगर्दा जिल्ला अदालतको आदेश सदर भएको छ ।

आजदेखि सुनुवाइ सुरु भएको पहिलो आदेशमा निलम्बित डिएसपी सञ्जय बहादुर राउत परेका छन् । उनलाई पनि जिल्ला अदालतले गरेको निर्णय सदर गर्दै थुनामा राखेर अनुसन्धान गर्न भनिएको छ । उच्च अदालतका न्यायाधीश थिरबहादुर कार्की र हरिप्रसाद भण्डारीको संयुक्त इजलाशले उनलाई थुनमा राख्न आदेश दिएको हो । आदेशमा भनिएको छ, ‘मोहन काफ्लेको घरबाट बरामद भएको रजिष्टरमा उल्लेखित संजय मामा भन्ने व्यक्ति यीनै सञ्जय राउत हुन् भनी सहप्रतिवादी बिष्णुबहादुर खड्काले लेखिदिएको, उक्त रजिष्टरबाट १२ लाख सञ्जयबहादुर राउतले लिएको भन्ने उल्लेख भएको समेतका तत्काल प्राप्त प्रमाणका आधारपछि बुझ्दै जाँदा ठहरे बमोजिम हुनेगरी यी निवेदकलाई मुद्दा पुर्पक्षका लागि थुनामा राख्नु पर्ने अवस्था देखिन आयो ।’

निवेदकलाई मुद्दा पुर्पक्षको लागि थुनामा राख्ने भनी जिल्ला अदालत मोरङबाट मिति २०७५-२-८ मा भएको आदेशलाई बेरितको नदेखिँदा केही परिवर्तन गरिरहन नपरेको आदेशमा भनिएको उच्च अदालतका शाखा अधिकृत राजु प्रसाद दाहालले जानकारी दिनुभयो ।

आदेशपछि सञ्जय राउतसँगै अब अन्य अधिकारीहरुको सुनुवाइ के हुने हो भन्ने चासोको विषय बनेको छ । सुनकाण्डसम्बन्धी मुद्दाहरुमध्ये निवेदकको तर्फबाट दिइएको निवेदनमध्ये २५ जनाको आज सुनुवाइको लागि उच्च अदालतका विभिन्न इजलाशमा पेशी चढेको थियो ।

पेशी चढेकामध्ये ४ जनाको पेशी स्थगित भएको थियो भने २० वटा मुद्दा हेर्न नभ्याएको दाहालले बताउनुभयो । उनीहरुको हेर्न नभ्याएकाहरुको पेशी भोलिको इजलाशमा समेत हेरिने भएको छ । भोलिदेखि थप निलम्बित प्रहरी अधिकृतहरुको हकमा सुनुवाइ हुनसक्ने अनुमान गरिएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्