अझै भएन काठमाण्डाैकाे फोहर व्यवस्थापन, ठाउँ–ठाउँमा थुप्राे

फागुन १६, २०७८ सोमबार २०:२७:५० | उज्यालो सहकर्मी

काठमाण्डाै – पाँच दिनदेखि नियमित रूपमा काठमाण्डाै उपत्यकाको फोहर व्यवस्थपान हुन थाले पनि अझै धेरै ठाउँकाे फाेहर उस्तै छ ।

१२ दिनसम्म उठ्न नसकेको फोहर यही फागुन १२ गतेदेखि विसर्जन हुन थाले पनि अझै सडक किनारमा थुपारिएको फोहर काठमाण्डाै महानगरपालिकाले व्यवस्थापन गर्न सकेको छैन । यसको प्रत्यक्ष असर यातायात आवागमनमा र पैदल यात्रीलाई परेको छ । अहिलेसम्म कामपाको कालिमाटी, टङ्केश्वर चोक र डल्लु पुलमा थुपारिएको फोहर विसर्जन हुन सकेको छैन । लामो समयसम्म एकै ठाउँमा फोहर रहँदा दुर्गन्ध फैलिएर थप समस्या भएको छ ।

कामपा वातावरण विभागका प्रमुख सरिता राईले अहिले नियमित रूपमा फोहर व्यवस्थापन भए पनि लामो समयसम्म फोहर थुप्रिएकाले समस्या भएको र अबको दुई दिनभित्र सबै ठाउँकाे फोहर व्यवस्थापन गरिने बताउनुभयो । स्थानीयवासीको अवरोधका कारण यही फागुन १ गतेदेखि काठमाण्डाै उपत्यकाको १८ स्थानीय तहको फोहर व्यवस्थापन हुन सकेको थिएन ।

अहिले फोहर विसर्जन गरिएको ठाउँ नुवाकोटको सिसडोलसम्म पुग्ने बाटो मर्मतको काम सम्पन्न नगरेको भन्दै पासाङ ल्हामु राजमार्गका स्थानीयवासीले गरेको अवरोधका कारण फोहर उठ्न नसकेको हो । उपत्यकाको १८ स्थानीय तहको फोहर विसर्जनका लागि दीर्घकालीन योजना नबन्दा पटक–पटक समस्या उत्पन्न भएको राईको भनाइ छ ।

विसं २०७० देखि सुरु गरेको बाटो अहिलेसम्म बन्न नसक्दा त्यहाँ पटक–पटक स्थानीयवासीले आन्दोलन गरी फोहर विसर्जनमा अवरोध पुर्‍याउँदै आएका छन् । ‘यो विषयमा सङ्घीय सरकार संवेदनशील हुनुपर्छ’, उहाँले भन्नुभयो, ‘समयमै बाटो निर्माण गर्न पहल गरिनुपर्छ ।’ अहिले बञ्चरेडाँडामा फोहर व्यवस्थापन स्थल निर्माण गरिँदै छ । काठमाण्डाै उपत्यकाको १८ स्थानीय तहको फोहर नुवाकोटकाे सिसडोलमा व्यवस्थापन हुँदै आएको छ । त्याे ठाउँ पनि भरिएपछि फोहर व्यवस्थापनमा समस्या भएको हो । उपत्यकाबाट दैनिक झन्डै एक हजार मेट्रिक टन फोहर निस्कन्छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्