कर्फ्यु जारी भएको सुर्खेतको वीरेन्द्रनगर बजार सुनसान, ठूलो सङ्ख्यामा सुरक्षाकर्मी परिचालन

 फागुन १७, २०७८ मंगलबार १५:७:० | उज्यालो सहकर्मी
unn.prixa.net

तस्बिर : सामाजिक सञ्जाल

सुर्खेत – कर्फ्यु जारी भएको सुर्खेतको वीरेन्द्रनगर बजार सुनसान भएको छ । एमसीसी सम्झौताको विराेधमा सुरु भएको आन्दोलन उग्र बनेपछि जिल्ला प्रशासन कार्यालय सुर्खेतले हिजो साेमवार बेलुकादेखि कर्फ्यु लगाएको हो । प्रदर्शनकारीहरूले हिजो पार्टी कार्यालयहरूमा तोडफोड तथा आगजानी गर्नुका साथै झडपको स्थिति भएपछि प्रशासनले कर्फ्यु लगाएको हो ।

प्रदर्शनकारीहरूले वीरेन्द्रगरको वीरेन्द्र चोक, मंगलगढी चोक र यरी चोकका प्रहरी बिटमा तोडफोड गर्नुको साथै सडकभरि बोतल र ढुङ्गा फालेका छन् । आन्दोलन उग्र बनेपछि प्रशासनले कर्फ्यु तोड्ने व्यक्तिलाई गोलीसमेत चलाउन सक्ने आदेश सुरक्षाकर्मीलाई दिएको छ । 

आज मङ्गलवार बिहानैदेखि वीरेन्द्रनगरको सडकहरू सुनसान रहेका जिल्ला प्रहरी कार्यालय सुर्खेतले जनाएको छ । बजारमा ठूलो सङ्ख्यामा सुरक्षाकर्मी परिचालन गरिएको छ । कर्फ्यु आदेशका कारण शिवरात्रि पर्वसम्बन्धी कार्यक्रमहरू स्थगित हुनुका साथै शिव मन्दिरहरू पनि सुनसान छन् । 

आज बिहान पनि केही बन्दकर्ताहरूले ढुङ्गा हान्ने प्रयास गरेकोमा केही व्यक्तिलाई पक्राउ गरेपछि अरू पछि हटेका प्रमुख जिल्ला अधिकारी खगेन्द्र रिजालले जानकारी दिनुभयो । हिजो बेलुकी सवा ८ बजेदेखि सुरु भएको कर्फ्यु आदेश आज बेलुकी ७ बजेसम्मका लागि तोकिएको छ । 

अन्तिम अपडेट: पुस २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई