चीनसँगको नाकामा देखिएको समस्या समाधानका लागि आग्रह गरेका छाैँ : परराष्ट्र मन्त्री खड्का

फागुन २३, २०७८ सोमबार १८:२१:३१ | उज्यालो सहकर्मी

काठमाण्डाै – परराष्ट्र मन्त्री डा. नारायण खड्काले चीनसँगको नाकामा देखिएको समस्या समाधानका लागि चिनियाँ पक्षसँग आग्रह गरेको बताउनुभएको छ ।

परराष्ट्र मन्त्री खड्काले आज सोमवार सिंहदरबारमा पत्रकार सम्मेलन गरी चीनका विदेश मन्त्री वाङ यीसँग नाका खुलाउनका लागि झन्डै एक घण्टा टेलिफोन संवाद गरेको उल्लेख गर्दै दुवै देशको हितका लागि पनि त्याे नाका खुलाउन ढिलाइ गर्न नहुने बताउनुभयो ।

उहाँले भन्नुभयो, ‘उत्तरी नाका खोल्न पहल गरिराखेका छौँ । चीनका विदेश मन्त्री वाङसँग त्यही माग राखेर एक घण्टा टेलिफोन वार्ता गरिएको छ । चिनियाँ राजदूतसँग पनि त्याे नाका खोल्ने विषयमा कुराकानी भएकाे छ । दुवै देशको हितमा भएकाले त्याे नाका छिट्टै खुल्ने विश्वास लिएका छौँ ।’

यस्तै परराष्ट्र मन्त्री खड्काले नेपालमा छिट्टै उच्चस्तरीय भ्रमण हुने बताउनुभयाे । विदेशबाट छिट्टै राष्ट्रप्रमुख वा प्रधानमन्त्री तहको उच्चस्तरीय भ्रमण हुने उहाँले जानकारी दिनुभएको हो । तर भ्रमण कसको हुने भन्ने कुरा चाहिँ समय आएपछि मात्रै जानकारी गराउने उहाँको भनाइ थियो । मन्त्री खड्काले खास समय आएपछि त्याे उच्चस्तरीय भ्रमणबारे पत्रकारहरुलाई आफूले जानकारी गराउने पनि स्पष्ट पार्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनसँगको नाकामा देखिएको समस्या समाधानका लागि आग्रह गरेका छाैँ : परराष्ट्र मन्त्री खड्का

फाइल फाेटाे

तपाईको प्रतिक्रिया