बजेट नभएपछि अलैँची सुपर जोन कार्यक्रम प्रभावित

भदौ २९, २०७५ शुक्रबार १४:४८:३७ | उपेन्द्र येक्तेन

पाँचथर – पाँचथर जिल्लामा अलैंची विस्तारका लागि लागू भएको अलैंची जोन कार्यक्रममा बजेट अभाव भएको छ ।

अलैँची उत्पादनको लागि पकेट क्षेत्र मानिएको जिल्लाको फालेलुङ गाउँपालिकाको वडा नम्बर १, २, ६ र ७ वडामा सञ्चालित प्रधानमन्त्री कृषि आधुनिकिकरण परियोजना कार्यान्वयन इकाई अलैँची जोन कार्यक्रममा बजेट अभाव भएको हो ।

बजेट अभाव भएपछि अलैँची जोनबाट सुपर जोन विस्तार गर्न समस्या भएको प्रधानमन्त्री कृषि आधुनिकीकरण परियोजना इकाई अन्तर्गत अलैँची जोन कार्यक्रमका सूचना अधिकारी प्रकाश विश्वकर्माले बताउनुभयो ।

अघिल्लो वर्षबाट सुरु भएको अलैँची जोनलाई सुपर जोनमा जानसक्ने सम्भाव्यता तयार भए पनि सरकारले आवश्यकबवजेट व्यवस्थापन गर्न नसक्दा थप कार्य अघि बढ्न समस्या भइरहेको विश्वकर्माको भनाई रहेको छ ।

यस क्षेत्रमा अलैँची उत्पादन हुने ५ सय हेक्टरका कृषकलाई सहयोग गर्दै आएको जोनले अहिले अलैँची उत्पादन हुने १५ सय हेक्टर क्षेत्रका कृषकलाई सहयोग गरिरहेको छ । एक हजार हेक्टर भन्दा बढी खेती भए त्यस्तो क्षेत्रलाई सुपर जोनको रुपमा विस्तार गर्न सकिने सरकारी प्रावधान रहेको छ ।

जिल्लाको फालेलुङ गाउँपालिकाको चार वटा वडाको क्षेत्रमा विस्तार भएको अलैँची जोन परियोजनालाई जिल्लाका अन्य क्षेत्रमा पनि विस्तार गर्नुपर्ने अलैँची कृषकहरुको माग रहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्