काठमाण्डाै – काठमाण्डाै महानगरपालिकाका मेयर विद्यासुन्दर शाक्यले महानगरसँग नीति, कार्यक्रम र बजेट प्रशस्त रहेकाे बताउनुभएकाे छ । आज बुधवार मेयर शाक्यले काठमाण्डाै महानगरपालिकाकाे माइतीघरमा रहेकाे आकाशे पुलको उद्घाटन उहाँले यस्ताे बताउनुभएकाे हाे । मेयर शाक्यले महानगरसँग नीति, कार्यक्रम र बजेट प्रशस्त रहेकाे तर सडकका पेटी सानो भएका कारण केही ठाउँमा पुल निर्माण गर्न समस्या भइरहेको पनि स्मरण गराउनुभयो ।

उहाँले भन्नुभयो, ‘ महानगरसँग नीति पनि छ, कार्यक्रम पनि छ र बजेट पनि छ तर सडकको पेटी साँघुरो भएको हुनाले कहाँ राख्ने भन्ने समस्या छ । आवश्यक ठाउँमा वडाध्यक्षले सिफारिस गरेअनुसार आकाशे पुल बनाउन हामी तयार छाैँ ।’

मेयर शाक्यले आकाशे पुल निर्माण अभियानअन्तर्गत हरेक वर्ष महानगरले आठ/नाै करोड रुपैयाँ बजेट छुट्याएको र आवश्यक ठाउँ हेरेर पुल निर्माण पनि गरिरहेको बताउनुभयो । उहाँले आकाशे पुल निर्माण गर्दा सवारी साधनमा हुने अवरोध र दुर्घटनामा कमी भएको पनि बताउनुभयो ।

मेयर शाक्यले माइतीघरमा बनेको आकाशे पुलले स्वास्थ्य मन्त्रालय, सिंहदरबार र सर्वोच्च अदालतमा आवतजावत गर्ने तथा सडक पार गर्नेहरूका लागि सहज हुने विश्वास पनि व्यक्त गर्नुभयो ।