लुक्ला पुग्नै लाग्दा समिट एअरको इन्जिनमा समस्या, काठमाण्डौ फर्काएर सुरक्षित अवतरण

वैशाख ४, २०७९ आइतबार १४:२८:२० | उज्यालो सहकर्मी

काठमाण्डाै – काठमाण्डौबाट लुक्लाका लागि उडेको समिट एअरको जहाजको एउटा इन्जिन फेल भएपछि काठमाण्डौमा सुरक्षित अवतरण गराइएको छ ।

आज आइतवार बिहान ११ बजेर ५ मिनेटमा चालक दलका सदस्यसहित १८ जना बोकेर उडेको जहाजको लुक्ला पुग्ने बेलामा बायाँ इन्जिनले काम गर्न छाडेको थियो । त्यसपछि पाइलटले दायाँ इन्जिनको भरमा जहाज फर्काएका थिए । लुक्लामा आकस्मिक अवतरणका लागि पूर्वाधार र सामग्री नभएकाले बिहान पौने १२ बजे काठमाण्डौमा अवतरण गराइएको त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाले उज्यालोलाई जानकारी दिनुभयो ।

सम्भावित दुर्घटना रोक्नका लागि काठमाण्डौमा दमकल, एम्बुलेन्सलगायत अत्यावश्यक सबै उपकरण र जनशक्ति तयारी अवस्थामा राखिएको थियो । जसका कारण १५ मिनेट विमानस्थलका अरू जहाज उडान अवतरण रोकिएको थियो ।

जहाजमा १५ जना यात्रु र र तीन जना चालक दलका सदस्य रहेकामा १० जना विदेशी यात्रु थिए । अहिले विमानस्थल सामान्य तरिकाले चलिरहेको र अनुसन्धान सुरु भएको प्रवक्ता सिटौलाले जानकारी दिनुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लुक्ला पुग्नै लाग्दा समिट एअरको इन्जिनमा समस्या, काठमाण्डौ फर्काएर सुरक्षित अवतरण

फाइल फाेटाे

तपाईको प्रतिक्रिया