पालिका चुनावमा भाग लिन तुलसीपुरका २५ जना जनप्रतिनिधिले दिए राजीनामा

वैशाख ९, २०७९ शुक्रबार १८:२४:६ | हेमराज शर्मा

दाङ - वैशाख ३० गते हुने पालिका चुनावमा उम्मेदवारी दिनका लागि दाङको तुलसीपुर उपमहानगरपालिकाका २५ जना जनप्रतिनिधिहरुले पदबाट राजीनामा दिएका छन्।

आज ८ जना वडाध्यक्ष र १८ जना वडा सदस्य गरी तुलसीपुरबाट २५ जनाले पदबाट राजीनामा दिएका सूचना अधिकारी बाबुराम न्यौपानेले जानकारी दिनुभयो ।

राजीनामा दिने वडाध्यक्षहरुमा वडा-२ का अध्यक्ष राजु आचार्य, वडा-१६ का अध्यक्ष भुपबहादुर केसी, वडा-१० का अध्यक्ष कुमार लामिछाने, वडा-९ का अध्यक्ष घनश्याम ढकाल, वडा-५ का अध्यक्ष वीरेन्द्र कुमार शाह, वडा-१५ का अध्यक्ष लक्ष्मण चौधरी, वडा नं १७ का अध्यक्ष थलराज पुरी, वडा- १८ का अध्यक्ष माधव ओली रहेका छन्।

सूचना अधिकारी न्यौपानेका अनुसार राजीनामा दिने क्रम वैशाख ११ गतेसम्म रहिरहने छ ।

निर्वाचन आयोगले जनप्रतिनिधि पुनः चुनाव लड्न चाहेमा पदबाट राजीनामा दिनुपर्ने बाध्यकारी व्यवस्था गरेको छ । त्यहीअनुरुप आउँदाे पालिका चुनावमा बहालवाला जनप्रतिनिधिले राजीनामा दिएर मात्र उम्मेदवार बन्न पाउने भएका छन् ।

उम्मेदवारी दिँदा राजीनामा दिनुपर्ने चुनावी आचारसंहिताको प्रावधान विरुद्धमा परेको रिट सर्वोच्च अदालतले खारेज गरिदिएपछि जनप्रतिनिधिले चुनाव लड्न राजीनामा दिनुपर्ने छ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्