यी हुन् ११ वटा उपमहानगरपालिकामा मुख्य दलका प्रतिस्पर्धी

वैशाख १२, २०७९ सोमबार १९:३५:३१ | उज्यालो सहकर्मी

काठमाण्डाै – आउँदो वैशाख ३० गते हुने पालिका चुनावका लागि हिजो आइतवार र आज साेमवार मनोनयन दर्ता भएको छ । हिजो धेरैजसो साना दल तथा स्वतन्त्र उम्मेदवारहरूले मनोनयन दर्ता गराएकाले निर्वाचन अधिकृतको कार्यालयमा कम चाप रहेकोमा आज दिनभर भिडभाड रहेको छ । ११ वटा उपमहानगरपालिकामा सत्ता गठबन्धन र नेकपा एमालेले उम्मेदवारी दिएका हुन् ।

इटहरी उपमहानगरपालिकामा सत्ता गठबन्धनको तर्फबाट मेयरमा कांग्रेसका हेमकर्ण पौडेल र उपमेयरमा नेकपा एकीकृत समाजवादीका केशव विष्टले मनोनयन दर्ता गराउनुभएको छ । यस्तै एमालेबाट मेयरमा यमकुमार सुब्बा र उपमेयरमा संगीता चौधरीले मनोनयन दर्ता गराउनुभएको छ ।

धरान उपमहानगरपालिकामा सत्ता गठबन्धनको तर्फबाट मेयरमा कांग्रेसका किशोर राई र उपमेयरमा नेकपा माओवादी केन्द्रका आइन्द्र विक्रम बेघाले मनोनयन दर्ता गराउनुभएको छ । यस्तै एमालेको तर्फबाट मेयरमा मञ्जु भण्डारी र उपमेयरमा पदमप्रसाद लिम्बुले मनोनयन दर्ता गराउनुभएको छ ।

जनकपुरधाम उपमहानगरपालिकामा सत्ता गठबन्धनको तर्फबाट मेयरमा जनता समाजवादी पार्टीका लालकिशोर साहले मनोनयन दर्ता गराउनुभएको छ । यस्तै नेकपा एमालेबाट मेयरमा शिवशंकर साह र उपमेयरमा रूना झाले उम्मेदवारी दर्ता गराउनुभएको छ । झा आजै एमालेमा प्रवेश गर्नुभएको हो ।

हेटौँडा उपमहानगरपालिकामा सत्ता गठबन्धनको तर्फबाट मेयरमा नेकपा एकीकृत समाजवादीको मीनाकुमारी लामा र उपमेयरमा नेपाली कांग्रेसका राजेश बानियाँले मनोनयन दर्ता गराउनुभएको छ । यस्तै नेकपा एमालेबाट मेयरमा अनन्त पौडेल र उपमेयरमा सुमित्रा काफ्लेले मनोनयन दर्ता गराउनुभएको छ ।

कलैया उपमहानगरपालिकामा सत्ता गठबन्धनको तर्फबाट मेयरमा काँग्रेसका राजेश राय र उपमेयरमा जनता समाजवादी पार्टीका प्रमोद गुप्ताले मनोनयन दर्ता गराउनुभएको छ । यस्तै एमालेको तर्फबाट मेयरमा विनोद शाह र उपमेयरमा रोशन प्रवीणको उम्मेदवारी परेको छ ।

जितपुर सिमरा उपमहानगरपालिकामा सत्ता गठबन्धनको तर्फबाट मेयरमा एकीकृत नेकपा माओवादीका राजन पौडेल र उपमेयरमा नेपाली कांग्रेसकी मेघा साहीले मनोनयन दर्ता गराउनुभएको छ । यस्तै एमालेको तर्फबाट मेयरमा सरस्वती चौधरी र उपमेयरमा भोला अधिकारीले मनोनयन दर्ता गराउनुभएको छ ।

बुटवल उपमहानगरपालिकामा पाँच दलीय गठबन्धनको तर्फबाट मेयरमा कांग्रेसका खेलराज पाण्डे र उपमेयरमा नेकपा एसका चिनबहादुर गुरुङले मनोनयन दर्ता गराउनुभएको छ । यस्तै एमालेबाट मेयरमा बाबुराम भट्टराई र उपमेयरमा सावित्रा अर्यालले मनोनयन दर्ता गराउनुभएको छ । सत्तारुढ गठबन्धनमा रहेको जसपाले पनि बुटवलमा मेयर तथा उपमेयरमा उम्मेदवारी दर्ता गराएको छ ।

घोराही उपमहानगरपालिकामा सत्ता गठबन्धनको तर्फबाट मेयरमा माओवादी केन्द्रका हेमराज शर्मा (डायमण्ड) र उपमेयरमा कांग्रेसका भूपबहादुर डाँगीले मनोनयन दर्ता गराउनुभएको छ । यस्तै एमालेको तर्फबाट मेयरमा नरुलाल चौधरी र उपमेयरमा हुमा डिसीले मनोनयन दर्ता गराउनुभएको छ ।

तुलसीपुर उपमहानगरपालिकामा सत्ता गठबन्धनको तर्फबाट मेयरमा कांग्रेसका गेहेन्द्र गिरी र उपमेयरमा नेकपा एकीकृत समाजवादीका जोगबहादुर राणाले मनोनयन दर्ता गराउनुभएको छ । यस्तै एमालेको तर्फबाट मेयरमा टीकाराम खड्का र उपमेयरमा स्यानी चौधरीको उम्मेदवारी परेको छ ।

नेपालगञ्ज उपमहानगरपालिकामा पाँच दलीय गठबन्धनको तर्फबाट मेयरमा नेपाली कांग्रेसका प्रशान्त विष्ट र उपमेयरमा जनता समाजवादी पार्टीका कमरुद्दिन राईले उम्मेदवारी दर्ता गराउनुभएको छ । यस्तै एमालेको तर्फबाट मेयरमा पशुपति दयाल मिश्र र उपमेयरमा शान्ति ढकालले मनोनयन दर्ता गराउनुभएको छ ।

धनगढी उपमहानगरपालिकामा सत्ता गठबन्धनको तर्फबाट मेयरमा कांग्रेसका नृपबहादुर वड र उपमेयरमा नेकपा माओवादी केन्द्रकी शान्ति अधिकारीले मनोनयन दर्ता गराउनुभएको छ । धनगढीमा नेकपा एमालेबाट मेयरमा रणबहादुर चन्द र उपमेयरमा कन्दकला रानाथारुले मनोनयन दर्ता गराउनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्