ललितपुर – वैशाख ३० गते हुने पालिका चुनावका लागि ललितपुरको महालक्ष्मी नगरपालिकामा दुई सय ३५ जनाको उम्मेदवारी परेको छ । यसमध्ये मेयरमा नाै जना र उपमेयरमा पाँच जनाको उम्मेदवारी परेको प्रमुख निर्वाचन अधिकृतकाे कार्यालयले जनाएकाे छ । 

दश वटा वडा रहेको नगरपालिकामा वडाध्यक्षमा ५६ जनाको उम्मेदवारी दर्ता भएको छ । वडा नं १ मा पाँच जना, वडा नं २ मा आठ जना, वडा नं ३ मा चार जना, वडा नं ४ मा पाँच जना, वडा नं ५ मा पाँच जना, वडा नं ६ मा छ जना, वडा नं ७ मा छ जना, वडा नं ८ मा छ जना, वडा नं ९ मा सात जना र वडा नं १० मा चार जना गरी ५६ जनाले उम्मेदवारी मनोनयन गराएका छन् ।  

त्यस्तै वडा सदस्यमा ८६ जना, महिला सदस्यमा ४५ जना र  दलित महिला सदस्यमा ३२ जनाले उम्मेदवारी दर्ता गराएका छन् ।  

गठबन्धन दलहरूबीच सहमति हुन नसक्दा महालक्ष्मी नगरपालिकामा नेपाली कांग्रेस, माओवादी केन्द्र तथा एकीकृत समाजवादीले आ–आफ्नै ढङ्गले मनोनयन दर्ता गराएका छन् ।