बाग्लुङ – बाग्लुङको तमानखोला गाउँपालिकाको अध्यक्ष र उपाध्यक्ष दुवै पद नेपाली कांग्रेसले जितेको छ ।

अध्यक्ष पदमा कांग्रेसका उम्मेदवार जोकलाल बुढाले २ हजार ७ सय ७ मत प्राप्त गरेर जित हासिल गर्नुभएको हो । उहाँका प्रतिस्पर्धी नेकपा माओवादी केन्द्रका देवबहादुर पुनले १ हजार ९ सय ९५ मत प्राप्त गर्नुभयो ।यस्तै उपाध्यक्षमा कांग्रेसका हिरा कुमारी छन्त्यालले २ हजार ७ सय ६८ मत ल्याएर जित हासिल गर्नुभएको निर्वाचन आयोगले जनाएको छ ।

तमानखोला गाउँपालिकाको वडाध्यक्षहरूमा वडा नम्बर १ मा माओवादीका थमबहादुर रोका, वडा नम्बर २ मा माओवादी केन्द्रकै नारायण सुनार, वडा नम्बर ३ मा कांग्रेसका झकबहादुर बुढा, वडा नम्बर ४ मा माओवादी केन्द्रका छप्रसाद श्रीपाली, वडा नम्बर ५ मा कांग्रेसका हिराबहादुर विक र वडा नम्बर ६ मा कांग्रेसका चित्रबहादुर छन्त्यालले जित हासिल गर्नुभएको छ ।